Read idoma USAKARÍYA 5 Bible Online

USAKARÍYA 5 - idoma bible

USAKARÍYA 5

¹N klla je eyī gicō, anɔ́ɔ n má ɔkpá nōo le hā gblógbló yɔ̄ ī wu icō.

²Alelékwū ōtɛ̄hɔ̄ ā da um ɔ̄kā kahíníī, “Ɔdí nāa má āa?” Anɔ́ɔ n tóohi ka ɔkpá nōo le hā gblógbló ā yɔ̄ ī wu icō. Olīkpō kú nū wɛ ekābɔ̄ ofu. Olɔwá kú nū wɛ ekābɔ̄ igwó.

³Anɔ́ɔ ó da um kahíníī, “É le okónu nēé tá lɛ odúúdú ajɛ ā tá tū ɔ̄. É tá ɔ̄ tū eyī éyi kú nū ka, é géē je odúúdú aúwī kpó yíífi ŋmá ipú ajɛ ā. É tá tū eyí ɔhá ā ka, é géē kpó ācɛ nēe le ɛka gbo ka aá géē kɛlā ɔkwɛ̄yi, nēe klla nyɔ̄ ī kɛ̄mgbɛ̄ ā, yíífi ŋmá ipú ajɛ ā dúú.

⁴Óndú ā nōo lɔfú fíyɛ́ dúú ā ka anúɔ géē yá kú okónu nɛ̄ anúɔ tá nyā kóō lɛ aúwī mɛ́mla ācokɛ̄mgbɛ̄ dóódu kwú. Okónu ā í yɔ̄ ī kwú ācɛ ɔlɛ́ uwā gbéeko nɛ̄ ó lɛ uwá kpó yíífi dúúdú.”

⁵Anɔ́ɔ alelékwū-ōtɛ̄hɔ̄ ā gā ɛgiyí um igbɔhá, anɔ́ɔ ó kahíníī, “Je eyī gicō ká ā má ɔdā ɔhá nōo yɔ̄ ī wā ā.”

⁶Anɔ́ɔ n da ɔ́ ɔ̄kā ka ɔdí yɔ̄ ā? Anɔ́ɔ ó da um ka ómbilí nɛ. Ó kē kwɛyí ínoōbīya kú odúúdú ajɛ ā.

⁷É kwú ɔ̄wū nōo klá ómbilí ā ú ŋmá anú, anɔ́ɔ n má ɔnyā éyi cīce ipú nū.

⁸Anɔ́ɔ alelékwū-ōtɛ̄hɔ̄ ā ka ɔnyā ā kwɛyí ɔbíipú. Anɔ́ɔ ó lɛ abɔ̄ kwu ɔnyā ā ga ɔkwu kú ómbilí, kwú ɔ̄wū ogbɛnú nɛ̄hi ā ú klá anú.

⁹N je eyī gicō, anɔ́ɔ n má ācɛnyā ɛpa bá ī wu wā ɛgiyí um mla acá nɛ̄hi bɛ̄ɛka ákú ígbáanɔ nɛ̄hi, bɛ̄ɛka ucē nōo wu gáā je ugwū ā. Anɔ́ɔ é kwú ómbilí ā ú ŋmá ajɛ le wu nyɛ̄ɛ̄.

¹⁰N klla da alelékwū-ōtɛ̄hɔ̄ nōo yɔ̄ ī kɛlā mla um ā ɔ̄kā ka iní nēé gē je ómbilí ā nyɔ̄ ā?

¹¹Ó tóohi ka é yɔ̄ ī je ɔ́ ga Ubábīlɔn, ɛga nēé géē gwó agbla lɛ ɔ́ ā. Eko nēé le agbla kú nū ā gwó kwɛyí ā, é géē je ómbilí ā ce abɔ́ɔ kéē gbā ɔ̄ ɛ̄gbā.