Read idoma UMÁLAKĀYI 4 Bible Online

UMÁLAKĀYI 4 - idoma bible

UMÁLAKĀYI 4

¹Óndú ā nōo lɔfú fíyɛ́ dúú ā kahíníī, “Ɛ̄cī ā gē wā, nɛ̄ odúúdú ācɛ o yɔ́bɔ́ɔcɛ mɛ́mla ācobɔ̄bíipú ā géē kpó yɔlá ŋmá ajɛ bɛ̄ɛka ácí ōŋmókókó ā. Ɔdā dóódu í gaá hile tá ajɛ ŋmá ipú uwā ŋ́. É géē je kpó yɔlá dúúdú.

²Amáŋ, aá nēe gē bī ɔtū éékpó gē lɛ ojīlīmā ce um ā, eko nɛ̄ eyī le nyā ɛ̄cī ɔ́ɔmā, é géē nya aá tá, ɛ́gɛ́nɛ̄ ɛnɔ gē fíyajɛ ɔkpáncō ā, ɛ́gɔ́ɔmā nɛ̄ ɛpɔ̄ okpaakpa géē nyīla ipú ajɛ kú ɔlɛ́ aá lɛ dúú á. Idɔlá kú ɛnɔ ā géē cɛ̄ lɛ ágbe kú aá kóō jé. Ó kē í yá kú ōcē kú aá kóō mɛ. Cɛ́ɛ́, aá gbɔɔ́ ō nyīliyē tá géē yɔ̄ í hɛ́ɛkwɛ bɛ̄ɛka ɔyí ɛna nēé lɛ ɔ́ hɛ́ tá ŋmá áklɔ̄kpɛ kú nū ā.

³Eko ɔ́ɔmā nɛ̄ n lɛ úklɔ́ kú um yá kwɛyí, aá géē yá aólɛlā kú aá lé. É kē í je pīya bɛ̄ɛka úmúlá nɛ̄ aá lɛ ikpó da ɔ́ ā.

⁴Óndú ā klla kahíníī, “Aá lɛ ɛlá kwu íne kú ɔ̄cocɛ̄hɔ̄ kú um Umósīsi. Íne mɛ́mla ukɔ́ nɛ̄ n tū aá, ɛyí ɛfu kú Uhɔ́rɛ̄bu, ohígbū odúúdú ācɛ kú Ísrɛ̄lu ā kéē bī ɔ̄ yúklɔ́.

⁵Óndú ā kahíníī, “Ɛ́ɛ́ ká ɛ̄cī kú Óndú ā, ɛ̄cī obɔ̄bí ā kóō wā ā, n géē tū Ɛláyíja, ɔ̄comɛ́ɛbɛ ā ɛhɔ̄ fu aá.

⁶Ó géē pīya aádā mɛ́mla ayí ūwā tɔ̄há igbɔhá kpɔ́ ɛ́ɛ́. Amáŋ, ɔ́dāŋ ka ó lɛ ā ŋ́, n géē wā í kpó ɔlɛ́ kú aá ā yíífi ŋmá ajɛ.”