Read idoma OBLATŪKÍNE 34 Bible Online

OBLATŪKÍNE 34 - idoma bible

OBLATŪKÍNE 34

¹Umósīsi gā ŋmá ajɛ kú Umówābu, le tá ɛyí ɛfú kú Unébo, gā ikpɛ̄yí ɛfu kú Upísga, nē o leyīkwu Ujérīko ā. Anɔ́ɔ Óndú ā lɛ ɛjɛ̄ɛ̄jī ajɛ ā mafú lɛ ɔ́. O gbɔɔ́ ŋmá Ugílííd jāā gaá kwu Udáni.

²Odúúdú ajɛ kú Unáfutāli, mɛ́mla ajɛ kú Ɛ́frem, Umanásɛ mɛ́mla odúúdú ajɛ kú Ujúda a jāā gaá kwu ɛnɔ̄ɔ̄nɛ̄ kú ísu kú Umeditārénīya ā.

³Unégebu, mɛ́mla ɔpɛ́ kú Ujérīko ā nōo wɛ igelī nɛ̄hi kú ajɛ alī ā jāā gaá kwu Usɔ́wa a.

⁴Óndú ā da, Umósīsi kahíníī, “Ɛ̄nyā wɛ ajɛ nɛ̄ n cokónu lɛ Ébrahām, Áyísīki, mɛ́mla Ujékɔ̄pu, ka n géē je lɛ ipɔ́ɔma kú uwā á. N cɛ̄ gā awɔ lɛ ɔ́ má eyī ɛɛ́, amáŋ, á gāá bēhé ga ipú nū ŋ́”.

⁵Anɔ́ɔ Umósīsi, ɔ̄cotɛ̄hɔ̄ kú Óndú ā gekwú ipú ajɛ kú Umówābu, ɛ́gɛ́nɛ̄ Óndú ā tɛtɛ ka lɛ āa.

⁶Anɔ́ɔ Óndú ā lɛ ɔ́ nyi ɔpɛ́ kú ajɛ kú Umówābu, nōo leyīkwu Ubɛtapéyɔ ā. amáŋ, jāā kwu ícɛ nyā a ɔ̄cɛ dúúmā í jé ɛga nɛ̄ únóji kú nū yɔ̄ ā ŋ́.

⁷Umósīsi lé iháyí ofu ɛhīlī, ɛ́ɛ́ nōó kwú á. Ó kē lɛbɛ̄ɛka ɔyipɛ oklóbīa ā kpɔ́, īkpēyī kú nū kwu jáálíí jāā gbéeko nōó kwú.

⁸Ācɛ kú Ísrɛ̄lu ā yɔ̄ ekwu kú Umósīsi ɛ̄cī ofuciigwó, ɔpɛ́ kú Umówābu abɔ́ɔ.

⁹Ujósuwa, ɔyí kú Unɔ́n lɛ mu mla íjééyī, ohígbū ka, Umósīsi le ɔ́ fu kóō kwɛyí nū, ɛ́ɛ́ nōó kwú á. Ācɛ kú Ísrɛ̄lu lɛyítáajɛ lɛ Ujóssuwa, klla lɛ íne kú Ɔwɔicō nōó je lɛ uwá bū abɔ̄ kú Umósīsi ā tū.

¹⁰Ɔ̄comɛ́ɛbɛ ɔhá dúúmā í klá yɔ̄ Ísrɛ̄lu bɛ̄ɛka Umósīsi ā ɛ́ɛ́ gɛ ŋ́. Óndú ā gē kɛlā mla anú leyīkwu eyī.

¹¹Ɔ̄comáɛbɛ ɔhá dóódu í yá ɛdɔ ɔ̄dā ō hídáagó, nɛ̄ Óndú ā bī Umósīsi yá lɛyíkwu ɔcɛ́ kú Íjīpiti mɛ́mla aígabɔ̄ kú ɔlɛ́ nū ā ɛ́ɛ́ gé ŋ́.

¹²Ɔ̄comɛ́ɛbɛ ɔhá dúúmā í lɔfú yá ɔdā nɛ̄hi mɛ́mla ɔdā ōhídáagó nɛ̄ Umósīsi yá ipéyī ācɛ kú Ísrɛ̄lu ā ɛ́ɛ́ gɛ ŋ́.