Read idoma UJÓSSUWA 16 Bible Online

UJÓSSUWA 16 - idoma bible

UJÓSSUWA 16

¹Ɛjī kú ajɛ kú ipɔ́ɔma kú Ujósɛ̄fu ā gbɔɔ́ ŋmá ɛháajɛ kú Ujɔ́dan nōo kwu Ujérīko ajaajɛ ā. Ó kē yɛ ga ɛnɔ̄ɔ̄cī kú ɔkpá kú Ujérīko, klla yɛ ga ipú ígbíli. Ó yɛ ŋmá Ujérīko ga ɛhícō jāā ga ɔlɛ́ kú ɛfu klla yɛ ga Ubɛ́tɛlu.

²O ŋmá Ubɛ́tɛlu ga Ulúsi, gaá bū Atárɔ̄tu Áda, ɛga nɛ̄ ācɛ kú Ácāti lā ā.

³Ó klla yɛ ga ɛnɔ̄ɔ̄nɛ̄ kú āyā kú Ujafulɛtáyi jāā ga ɔpɛ́ kú Ubɛ́t Uhórɔn. Ó ŋmá abɔ́ɔ ga Ugɛ́sa gaá ŋmɛ́yí isú kú Umeditarénīya.

⁴Ipɔ́ɔma kú Ujósɛ̄fu, ayí kú Ɛ́frem mɛ́mla ayí kú Umanásɛ mīyɛ ajɛ nyā kóō wɛ úgwū kú uwā.

⁵Ɛ̄nyā wɛ ɛjī kú odúúdú aípɔ́ɔnū kú Ɛ́frem ā. Ɛjī kú uwā gbɔɔ́ ŋmá Atárɔ̄tu Ádda ɛnɔ̄ɔ̄cī á, lɛyíkwu ɛhícō kú Ubɛt Uhórɔn.

⁶Ó klla ŋmá abɔ́ɔ ga ísu kú Umeditarénīya. Umicimétāti yɔ̄ ɛhícō kú ajɛ ā. Ɛjī kú ajɛ ā le pú ɛnɔ̄ɔ̄cī ā, gaá yɛ ga Utáánāti Ussílo klla gaá bū ɛnɔ̄ɔ̄cī ga Ujanówa.

⁷Oŋmá Ujanówa wā ajɛ, ó gaá bū Atárɔ̄tu mɛ́mla Unáara, bū Ujérīko gaá ŋmɛ́yí Ujɔ́dan.

⁸Ɛjī kú ɛnɔ̄ɔ̄nɛ̄ kú nū, ŋmá Utápūwa ga ɔkpá kú Ukána klla gaá ŋmɛ́yí ísu kú Umeditarénīya. Ɛ̄nyā wɛ ajɛ nēé je lɛ aípɔ́ɔnū kú ipɔ́ɔma kú Ɛ́frem kóō wɛ ɔdā úgwū kú uwā á.

⁹É klla kpó aígelī nɛ̄ŋcɛ́ ōhī mɛ́mla aípɔ́lɛ́ nēe bá ipú ɛjī kú Umanásɛ ā lɛ ācɛ kú ipɔ́ɔma kú Ɛ́frem dúú.

¹⁰Amáŋ é nū ācɛ kú Ukɛ́na nēe lɛ Ugɛ́sa ā ŋ́. Ācɛ kú Ukɛ́nan lā ipú ācɛ kú Ɛ́frem jāā kwu ícɛ nyā. Amáŋ é le uwá yúklɔ́ kéē yá abɔ̄fú bɛ̄ɛka aɔ́fiyɛ ā.