Read idoma UJÓSSUWA 20 Bible Online

UJÓSSUWA 20 - idoma bible

UJÓSSUWA 20

¹Anɔ́ɔ Óndú ā da Ujóssuwa kóō

²ka lɛ ācɛ kú Ísrɛ̄lu kéē lɛ aígelī nɛ̄hi ɛga nɛ̄ ācɛ í kwinya ɔ́ci nyɔ̄ nɛ̄ anúɔ ka lɛ Umósīsi ā fú.

³Ɔ̄cɛ nōo lɛ ɔ̄cɛ ŋmó nōó jégēdē ŋmó ɔ ŋ́, géē kwinya ɔ́ci nyɔ̄ abɔ́ɔ ohígbū nēé géē ŋmó ɔ̄.

⁴Ó ka ɔ́ɔ gēe kwinya nyɔ̄ ga éyi kú aígelī nɛ̄hi nēe bá ɔ́ɔmā. Ó klla ka ka eko nɔ́ɔ gā abɔ́ɔ, ɔ́ɔ géē ga ɛga ohɛ́pɔ̄ nōo yɔ̄ okómpīinu kú igelī nɛ̄hi ā, cɛ́ɛ́ ó lɛ ɔkwu kú iyawu kú nū ā ka lɛ anyākwɔ́cɛ kú igelī nɛ̄hi ā. Cɛ́ɛ́ é géē cɛ̄ lɛ ɔ́ bēhé ga igelī nɛ̄hi ā, cɛ́ɛ́ é lɛ ɛga nɛ̄ ó í klá ā mafú lɛ ɔ́.

⁵Ó ka ɔ́dāŋ ka ɔ̄cɛ nōó dɔɔ̄kā ō ŋmó ɔ̄cɛ o kwinya ɔ́ci nōo kwu ga igelī nɛ̄hi ā, ka ācɛ abɔ́ɔ kéē híī je ɔ́ tū ɔ̄ abɔ̄ ŋ́. Ka ɛ́ɛ géē gbō ɔ̄cɛ ɔ́ɔmā ɛyí, ohígbū kōó jégēdē ŋmó ɔ̄cɛ ŋ́. Ó klla ka kōó wɛ ipú ánya nɔ́ɔ ŋmó ɔ̄cɛ ā ŋ́.

⁶Ó ka ɔ̄cɛ ā ɔ́ɔ géē lā igelī nɛ̄hi ā jāā gbéeko nēé lɛ ɛpɔ̄ kú nū ka. Ó klla í klá abɔ́ɔ jāā gbéeko nɛ̄ ɔ̄cɛ nōo wɛ otrɛ̄yí kú ācogwɛ́ɛya eko ɔ́ɔmā ā ɔ́ɔ gekwú, cɛ́ɛ́ ɔ̄cɛ ā géē kwúcē ga ɔlɛ́ nū nɛ̄ ó kwu ŋmá ā.

⁷É kwu Olkɛ́dɛssi nōo yɔ̄ ɛnɔ̄ɔ̄nɛ̄ kú ísu kú Ujɔ́dan, nōo yɔ̄ Ugálīli ā, nōo yɔ̄ ɔlɛ́ ɛfu kú Unáfutālī ā, mɛ́mla Ussɛ́kɛm ipú ajɛ kú Ɛ́frem ā, mɛ́mla Uhɛ́burɔn kú ipú ajɛ kú Ujúda ā ú táajɛ ohígbū ɛ̄nyā ā.

⁸Ajɛ nɛ̄ ācɛ Ísrɛ̄lu mīyɛ kéē je pīya ɛga ō kwinya ɔ́ci nyɔ̄ ā wɛ aígelī nɛ̄hi ɛtá nēe bá ā: Ubɛ́sa ipú ajɛ o plákátá kú ɛyí ɛfu kú ígbíli nōo yɔ̄ ɛnɔ̄ɔ̄cī kú ísú kú Ujɔ́dan, mɛ́mla Ujérīko ā, ajɛ kú Urúbɛ̄n, Urámɔ̄tu kú Ugílɛ̄di ipú ajɛ kú Ugádi ā, mɛ́mla Ugólan kú Ubássan ipú ajɛ kú Umanásɛ ā.

⁹Aígelī nɛ̄hi nēe bá nyā wɛ ɛga ō kwinya ɔ́ci nyɔ̄ nēé fu táajɛ lɛ odúúdú ācɛ kú Ísrɛ̄lu, mɛ́mla ohígbū aúgbɔga dóódu nōó lā ipú uwā ā. Ɔ̄cɛ dúúmā nōo lɛ ɔ̄cɛ ŋmó ɔwɛ kú ámiya, géē kwinya ɔ́ci nyɔ̄ ga éyi kú aígelī nɛ̄hi nēe bá ā. Cɛ́ɛ́ ɔ̄cɛ dúúmā í klla gáā ŋmó ɔ̄ gwū ɔ́ci kú ɔ̄cɛ nōó ŋmó ā gɛ ŋ́, jāā gbéeko nēé lɛ ɛpɔ̄ kú nū ka, nōó lɛ ɛpɔ̄bí lé.