Read idoma UTÁYÍTƆ̄SI 2 Bible Online

UTÁYÍTƆ̄SI 2 - idoma bible

UTÁYÍTƆ̄SI 2

¹Upɔ́lu yɔ̄ ī kɛlā lɛ Utáyítɔ̄si kpɔ́ kahíníī, “Awɔ ā, nwū ācōlóhɔ́nyɛtá ɔdā nōo le kpakpa kú ɛlā Ɔwɔicō.

²Tā anyākwɔ́cɛ ā ukɔ́ kéē gbēyī gɔɔ, kéē tohilīpú, kéē ce iyī uwā bī glá, kéē háyi kpaakpa kéē cɛ̄ɛ̄lā Ɔwɔicō, kéē yíihɔtū kéē lɔtūlé.

³Ɔwɛ ékpó ɔ́ɔmā da ācɛnyā nēe wɛ anyākwɔ́cɛ ā kéē yá ucē bɛ̄ɛka anyā nēe lā oyēeyī ō tīihɔ. E híī wɛ ācɛ oyúwɔ́kɔ ŋ́ ámāŋ ka ō wɛ ɔfiyɛ kú ijē ŋ́. É í nwū, anyā icɔ́ɔci ɔdā nōo lɔhi ā.

⁴O yá ɛ́ɛ́ kéē nwū ayípɔ̄nɔ̄nyā ɔwɛ nēé géē yíihɔtū tá aɔ́bá mɛ́mla ayí uwā.

⁵Ké ē wɛ ācɛ nēe gē cē iyī uwā bī glá, kéē tīihɔ, é kē í wɛ anyā olɔhi nēe ge lɛyí táajɛ lɛ aɔ́bá uwā, cɛ́ɛ́ ká ɔ̄cɛ dúú kó ō ŋmó ɛlā Ɔwɔicō ā okónu ŋ́.

⁶Ɔwɛ ékpó ɔ́ɔmā tū ayípōklóbīya ukɔ́ kéē lɛyí táajɛ.

⁷Ipú ɔdā dóódu ō yá kú uwɔ, le pīya ocābɔ̄ kú ucē olɔhi ō yá, ɛlā ōnwū kú uwɔ kó ō wɛ ɔkwɛ̄yi. Kwú ɔ̄ ka ó wɛ ɛ́nɛ́nɛ̄ úklɔ́.

⁸Kɛlā ɔkwɛ̄yi nɛ̄ ācɛ i gáā má obɔ̄bí dúú anú ŋ́ cɛ́ɛ́ aólɛlā kú uwɔ kéē má obɔ̄bí dúú ka lɛyíkwu uwɔ ŋ́. Cɛ́ɛ́ kú uwēyī kóō lɛ uwá kwu ohígbū ɛyí nɛ̄ é bú kwu uwɔ ā.

⁹Da ɔ̄cocɛ̄hɔ̄ kéē tɛ́yí wāajɛ lɛ aɔ́kpani uwā. Kéē yá ɛjɛ̄ɛ̄jī ɔdā dóódu nēé da uwá kéē yá ā, kéē kwú uwá ɔkɔ ŋ́.

¹⁰Ɛ́ɛ́ nēé ge wī uwā uwī ŋ́, amáŋ kéē mafú ka aá wɛ ācɛ olɔhi nēe ge tɛ́yí wāajɛ. Kéē klla wɛ ācɛ ɔkwɛ̄yi ɔwɛ dóódu, cɛ́ɛ́ ipú ɔdā dóódu kéē cɛ̄tra ɛlā nɛ̄ Ɔwɔicō nōo nya alɔ tá ā gē nwū ā.

¹¹Ɔwɔicō ma ihɔtū nɛ̄hi kú nū fú cɛ́ɛ́ kú odúúdú alɛɛcɛ kéē le nyatá.

¹²Ihɔtū ɔ́ɔmā gē nwū alɔ ká ālɔ̄ nyɛ̄ɛ̄ ŋmá oyēeyī obɔ̄bí ō lā mɛ́mla únwū obɔ̄bí kú ɛcɛ nyā. Cɛ́ɛ́ ká ālɔ̄ lā oyēeyī nɛ̄ alɔ lɔfú cē iyī alɔ bī glá, oyēeyī okpakpa. O yɔ̄ gē lā bɛ̄ɛka ācōlóhɔ́nyɛtá ā ipú ɛcɛ nyā.

¹³Abɔ̄ nɛ̄ alɔ ge gbēyī ɛ̄cī éeyē nɛ̄ eyīyōce ká alɔ yɔ̄ anú ā, eko nɛ̄ Ɔwɔicō olɔfú nɛ̄hi mɛ́mla ohɔnyɛtá kú alɔ Ujísɔ̄si, géē mafú ɔfú nɛ̄hi kú nū nōo géē bī nya alɔ tá ā.

¹⁴O kwú iyī nū ú ohígbū alɔ, kóō lɛ alɔ fūla ŋmá ɛjɛ̄ɛ̄jī ɔ́bíipú dóódu kóō lɛ alɔ yá yēŋēē ŋmá íne o bīya, cɛ́ɛ́ ká alɔ kwú piya ákú Ohɔ́nyɛtá ofūnū. Kóō lɛ alɔ yá ācɛ o tine o yá ɔdā olɔhi.

¹⁵Nwū uwā aɔ́dā nēe bá nyā a, tú uwā ɔtū kwu ɔtū kú ā bī ɛjɛ̄ɛ̄jī ikwu kú uwɔ lɛ dɛ̄gba tū uwā. Ā cɛ̄ lɛ ɔ̄cɛ dúúmā leyi gwó uwɔ bónū ŋ́.”