Read idoma 1 UJƆ́ƆNI 1 Bible Online

1 UJƆ́ƆNI 1 - idoma bible

1 UJƆ́ƆNI 1

¹Ɛhɔ̄ nɛ̄ alɔ gaá cɛ̄ ā tíyē kwu ɛlā kú oyēeyī ā nōo yɔ̄ ŋmá ohútu, nɛ̄ alɔ i pó ɛɛ́, nɛ̄ alɔ bī eyī ká alɔ i má, nɛ̄ alɔ kpéyī klá anú, nɛ̄ abɔ̄ ká alɔ kē kwu ɔ́.

²É kē le oyēeyī ā mafú, alɔ kē lɛ ɔ́ má, alɔ kē cījáalí kú nū, alɔ kē bī oyēeyī ā nɛ̄ ó gē mɛ ŋ́, nōo tɛtɛ yɔ̄ mɛ́mla ádā ā, nēé kē mafú lɛ alɔ ā i tɔ́ɔna lɛ aá.

³Ɔdā nɛ̄ alɔ i má ɛɛ́, kē i pó ɛɛ́, anɔ́ɔ alɔ bī le tɔ́ɔna lɛ aá dúú á, cɛ́ɛ́ ká ālɔ̄ mɛ́mla aá lɛ olétɔ̄há. Olétɔ̄há ká alɔ kē yɔ̄ ɛgiyí ádā ā mɛ́mla ɛgiyí Ɔyínɔ̄nyīlɔ kú nū Ujísɔ̄si Ohɔ́nyɛtá.

⁴Alɔ kē tá aɔ́dā nēe bá nyā fu aá, cɛ́ɛ́ ka éeyē kú alɔ kóō le jīla.

⁵Ó lɛ olɛhɔ̄ nōo ŋmá ɛgiyí Ujísɔ̄si Ohɔ́nyɛtá. Alɔ le ɔ́ pó, alɔ kē tɔ́ɔna kú nū lɛ aá. Anú yɔ̄ á, Ɔwɔicō wɛ ɔlá-ofíyajɛ, ajoodobū í yɔ̄ ɛgiyí nū fúlufúlu glá ŋ́.

⁶Ɔ́dāŋ́ nɛ̄ alɔ ka ka alɔ lɛ olétɔ̄há mla anú, nááná nɛ̄ alɔ kē ī yɛ ipú ajoodobū kpɔ́, ɛ̄kɛ̄mgbɛ̄ nɛ̄ alɔ ī kā á, alɔ í kē yēeyī ɔwɛ nōo wɛ ɔkwɛ̄yi ā ŋ́.

⁷Amáŋ ɔ́dāŋ́ ka alɔ yɛ mla ɔlá-ofíyajɛ ā, ɛ́gɛ́nɛ̄ anú abɔ̄yī nū yɔ̄ ipú ɔlá-ofíyajɛ ā, alɔ ī lɛ olétɔ̄há mla iyī alɔ, oyī kú Oyínɔ̄nyīlɔ kú nū Ujísɔ̄si kē le alɔ na ŋmá ɛjɛ̄ɛ̄jī íne nɛ̄ alɔ bīya ā.

⁸Ɔ́dāŋ́ ka alɔ ka ka alɔ í bīyíne dúúmā ŋ́, alɔ ī plla iyī alɔ. Ɛlā ɔ̄kwɛ̄yi ā í kē yɔ̄ ipú alɔ ŋ́.

⁹Ɔ́dāŋ́ nɛ̄ alɔ lɛ íne nɛ̄ alɔ bīya ā ka tɛ́ɛcɛ, ó wɛ ɔ̄cɛ nɛ̄ ɔ̄cɛ cíkā ōlɔtūce ɔ́, nōo kē ī hɛ́pɔ̄ olɔhi ā. Ó géē je íne dóódu nɛ̄ alɔ bīya ā yá alɔ ɛhi. Ó kē í na alɔ ŋmá obɔ̄bí kú alɔ dóódu.

¹⁰Ɔ́dāŋ́ ka alɔ ka ka alɔ í bīyíne ɛ́ɛ́ ŋ́, alɔ ī lɛ ɔ́ yá ɔ̄cɛ okɛ̄mgbɛ̄, alɔ í kē mīyɛ ɛlā kú nū ɛ́ɛ́ ŋ́.