Read idoma 1 UJƆ́ƆNI 5 Bible Online

1 UJƆ́ƆNI 5 - idoma bible

1 UJƆ́ƆNI 5

¹Ɔwɔicō ma ɔ̄cɛ dóódu nōo cɛ̄ ka Ujísɔ̄si wɛ Ohɔ́nyɛtá ā á. Ɔ̄cɛ dóódu nōo yíihɔtū tá ádā ɔyí, géē yíihɔtū tá ɔyí ā dúú.

²Oŋmá lɛ ɛ̄nyā alɔ jé ka alɔ ī yíihɔtū tū ayí Ɔwɔicō eko nɛ̄ alɔ ī yíihɔtū tū Ɔwɔicō abɔ̄yī nū, klla gē lɛ íne kú nū tū.

³Ohígbū ka ihɔtū ō yá tū Ɔwɔicō wɛ ka ālɔ̄ lɛ íne kú nū tū. Íne kú nū í kē lɔnɔ ō le tū ŋ́.

⁴Ohígbū ka ɛjɛ̄ɛ̄jī ayí dóódu nɛ̄ Ɔwɔicō ma ā kē í lɔfú yá ɛcɛ lé. Alɔ yá ɛcɛ lé oŋmá lɛ okpɔ́tūce Ɔwɔicō.

⁵Ɔ̄nyɛ yɔ̄ nōo ī yá ɛcɛ lé gwū ɔ̄cɛ nōo cɛ̄ ka Ujísɔ̄si ɔ́ɔ wɛ Ɔyínɔ̄nyīlɔ kú Ɔwɔicō ā tá ā?

⁶Ujísɔ̄si abɔ̄yī nū wɛ ɔ̄cɛ nōo wā mla éŋkpɔ̄ kú ubatísim mɛ́mla oyī kú nū nōó cēbónū nōo wɛ ikwū kú nū ā. Ó wā mla éŋkpɔ̄ ōfōōfūnū ŋ́, amáŋ ó wā mla éŋkpɔ̄ mɛ́mla oyī. Alelékwū abɔ̄yī nū kē cījáalí ka ɛ̄nyā wɛ ɔkwɛ̄yi, ohígbū ka Alelékwū ā ī kɛlā ɔkwɛ̄yi.

⁷Alɔ lɛ ācɛ ɛtá ō cījáalí lɛ alɔ.

⁸Aɔ́dā ɛtá wɛ ijáalí á, Alelékwū mɛ́mla éŋkpɔ̄ mɛ́mla oyí ā. Ijáalí kú aɔ́dā ɛtá aɛ́nɛ̄ e bá nyā kē wɛ ékpónú.

⁹Ɔ́dāŋ́ ka alɔ mīyɛ ijáalí ká ācɛ, ijáalí kú Ɔwɔicō fíyɛ́ á. Ɔwɔicō kē le ijáalí nyā cē lɛyíkwu Ɔyínɔ̄nyīlɔ kú nū.

¹⁰Ɔ̄cɛ nōo cɛ̄ɛ̄lā kú Ɔyínɔ̄yīlɔ kú Ɔwɔicō mīyɛ ijáalí nɛ̄ Ɔwɔicō cɛ̄ ā ipú ɔtū kú nū. Ɔ̄cɛ nɛ̄ ó cɛ̄ɛ̄lā kú Ɔwɔicō ŋ́, lɛ ɔ́ yá okɛ̄mgbɛ̄ ɛɛ́, ohígbū koó mīyɛ ijáalí nɛ̄ Ɔwɔicō cɛ̄ lɛ Ɔyínɔ̄nyīlɔ kú nū ā ŋ́.

¹¹Ijáalí nēé cɛ̄ ā yɔ̄ á, Ɔwɔicō kwú oyēeyī nɛ̄ ó ī mɛ ŋ́ mā ú lɛ alɔ ɛɛ́, oyēeyī nyā kē tɛ́ɛgba ŋmá ɛgiyí Ɔyínɔ̄nyīlɔ kú nū.

¹²Ɔ̄cɛ dúúmā nōo lɛ Ɔyínɔ̄nyīlɔ ā, lɛ oyēeyī nyā, ɔ̄cɛ nɛ̄ ó lɛ Ɔyínɔ̄nyīlɔ kú Ɔwɔicō ā ŋ́, í lɛ oyēeyī nyā ŋ́.

¹³N tá aɔ́dā nēe bá nyā fu aá nēe lɔtūce iyē kú Ɔyínɔ̄nyīlɔ kú Ɔwɔicō ā, cɛ́ɛ́ kú aá jé ka aá lɛ oyēeyī opiyóó lɛ ɛɛ́.

¹⁴Ɛ̄nyā wɛ ɔtū nɛ̄ alɔ i cē ɔ́ á, ka ɔ́dāŋ́ ka alɔ ba ɔ́ ɔdā dóódu nōo tá ɔ̄ ɔtū, ó gē jāhɔ̄ lɛ alɔ.

¹⁵Ɔ́dāŋ́ ka alɔ jé koó yɔ̄ ī jāhɔ̄ eko dúúmā nɛ̄ alɔ lɛ ɛ̄ba ba ɔ́, alɔ jé kpɔ́cí ka alɔ í lɛ ɔdā dóódu nɛ̄ alɔ gē ba ɔ́ ā.

¹⁶Ɔ́dāŋ́ ka ɔ̄cɛ dúúmā má ɔ̄cocɛ̄lɔ̄ɔwicō ɔ́mpa nū eko nɛ̄ ó yɔ̄ ī bīyíne nɛ̄ ó ŋmɛ́yí tá ikwū ŋ́, ó cíkā ō gbɔ̄ɔkɔ lɛ Ɔwɔicō nōo kē í je oyēeyī lɛ ɔ́ ā. Ɛ̄nyā lɛyíkwu ācɛ nēe bīyíne nɛ̄ ó ī ŋmɛ́yí tá ikwū ŋ́ mā ā. Amáŋ ó lɛ ínoōbīya nōo ī bī ikwū wā, ń da aá ka aá gbɔ̄ɔkɔ ohígbū ɔ́ɔmā ŋ́.

¹⁷Ɔdōbɔ̄bí ō yá dóódu wɛ ínoōbīya, amáŋ ó kē lɛ ínoōbīya nōó kē ī ŋmɛ́yí tá ikwū ŋ́.

¹⁸Alɔ jé ka ɔ̄cɛ dóódu nɛ̄ Ɔwɔicō ma í gē bīyíne kú nū ŋ́, amáŋ Ɔyínɔ̄nyīlɔ kú Ɔwɔicō gē gbō ɔ̄ ɛyí, ɔ̄cɛ ɔbɔ̄bí ā í kē gáā lɛ abɔ̄ kwu ɔ́ glá ŋ́.

¹⁹Alɔ jé ka alɔ wɛ ákú Ɔwɔicō nááná nɛ̄ odúúdú ɛcɛ kē yɔ̄ ipú abɔ̄ kú ɔ̄cobɔ̄bípú ā.

²⁰Alɔ kē jé ka Ɔyínɔ̄nyīlɔ kú Ɔwɔicō ā gā ɛɛ́, ó kē le ɛyí kú ɔdōjé je lɛ alɔ, cɛ́ɛ́ ká ālɔ̄ lɛ Ɔwɔicō ɔkwɛ̄yi ā jé. Alɔ kē yɔ̄ ipú opīyatɔ̄há mla anú nōo wɛ Ɔwɔicō ɔkwɛ̄yi ā, mɛ́mla ipú opīyatɔ̄há mla Ɔyínɔ̄nyīlɔ kú nū, Ujísɔ̄si Ohɔ́nyɛtá. Ɛ̄nyā wɛ Ɔwɔicō kú ɔkwɛ̄yi ā mɛ́mla oyēeyī á.

²¹Ayípɛ̄ ɔlɛ́ um, aá lɛ iyī aá tū ŋmá ɛgiyí ɛcí.