Read idoma ĀCOHƐ́PƆ̄ 21 Bible Online

ĀCOHƐ́PƆ̄ 21 - idoma bible

ĀCOHƐ́PƆ̄ 21

¹Eko nɛ̄ ācɛ kú Ísrɛ̄lu le jīla Umíspa ā. É le okónu ce lɛ Óndú ā ka ɔ̄cɛ dúúmā í gáā ce lɛ ɔ̄cɛ ipɔ́ɔma kú Ubɛ́njamīn dúúmā lɛ ɔnyā ŋmá ipɔ́ɔma kú aá, ɛ́ɛ́ nɛ̄ aá gē cē lɛ uwá lɛ ayí alɔ nɔ̄nyā dúúmā ŋ́.

²Ācɛ kú Ísrɛ̄lu ā le pɛ́ tá Ubɛ́tɛlu, anɔ́ɔ é gāá cīce ipéyī Ɔwɔicō abɔ́ɔ jāā gbó ɔ̄nɔ̄ɔ̄nɛ̄. É jīkwū gbōmgbōm ipú ɔtūnōbí.

³Anɔ́ɔ é da Óndú, nōo wɛ Ɔwɔicō kú Ísrɛ̄lu ka ɔdíyá nɛ̄ ɔdā ɛgɔ́ɔma ɔ́ɔ yá āa? É ka ɔdíyā nɛ̄ ipɔ́ɔma kú Ísrɛ̄lu éyi gáā mɛ ŋmá ipú Ísrɛ̄lu ā?

⁴Anɔ́ɔ ɔ̄cɔ̄ɔ̄cī blibli kú oŋmɔ́ɔ̄cī nū ā, ācɛ ā lɛ ede gwó lɛ Óndú ā abɔ́ɔ. É klla le ɛya kú ɛbɔ́ mɛ́mla ɛya o yɔlá dúúdú gwó abɔ́ɔ.

⁵Anɔ́ɔ é da īyī uwā ɔ̄kā ka ɔ́dāŋ nɛ̄ ígwu dúúmā hile ipú aípɔ́ɔma kú Ísrɛ̄lu nōó ga Umíspa ɛga nɛ̄ aá jīla Óndú ā ŋ́ mā āa? Ohígbū kéē le ɔkpá gbo ka ɔ̄cɛ dúúmā nɛ̄ ɔ́ í nyɔ̄ Umíspa ŋ́, aá géē je ɔ́ ŋmó.

⁶Ācɛ kú Ísrɛ̄lu ā yá ɔtūnōbí ohígbū ayínɛ́ uwā, ipɔ́ɔma kú Ubɛ́njamīn. Anɔ́ɔ é ka ipɔ́ɔma éyi ɔ́ɔ hɛ́ Ísrɛ̄lu abɔ̄ ɛ̄cī ɔ́ɔmā ɛɛ́.

⁷É da iyī uwā ɔ̄kā kú ɔdā nēé géē yá o yá ɛ́ɛ́ kéē lɛ anyā lɛ lɛ ācɛ nēe hile ŋmá ipɔ́ɔma kú Ubɛ́njamīn ā. É ka aá lɛ okónu ce lɛ Ɔwɔicō, ka aá í gáā je ayínɔ̄nyā dúúmā lɛ uwá ŋ́.

⁸Eko nēé dɔɔ̄kā ɔ́dāŋ ka ɔ̄cɛ dúúmā yɔ̄ ŋmá aípɔ́ɔma kú Ísrɛ̄lu nōó ga Umíspa ŋ́ mā, é le jé ka ɔ̄cɛ dúúmā í ŋmá Ujábɛssi ipú Ugílɛ̄di nyɔ̄ Umíspa ŋ́.

⁹Eko nēé hī iyē kú aícɔ́ɔja éyééye éyééye ā, ɔ̄cɛ dúúmā í yɔ̄ nōo gē cīgwú ŋmá Ujábɛssi ŋ́.

¹⁰Anɔ́ɔ ójīla ā le aícɔ́ɔja úlā ofu cigwó (12,000) tɛ̄hɔ̄ ŋmá abɔ́ɔ. É tū uwā ukɔ́ kéē nyɔ̄ gaá lɛ odúúdú ācɛ kú Ujábɛssi kpó ŋmó, kwu ācɛnyā mɛ́mla ācɛnyīlɔ.

¹¹É kéē lɛ odúúdú ācɛnyīlɔ ā kpó ŋmó mɛ́mla ācɛnyā dúúmā nēe lɛ ɔ̄cɛnyīlɔ jé ɛɛ́ mā.

¹²Ipú ācɛ kú Ujábɛssi ā, Anɔ́ɔ é má ayípáncɛ́nyā úlā éyi (400) nēé jé ācɛnyīlɔ ɛ́ɛ́ ŋ́ ipú ācɛ kú Ujábɛssi. É lɛ uwá kpó wā Ussílo, ajɛ kú Ukénan, ɛga nēé jīla ā.

¹³Anɔ́ɔ ójīla ā le ɛhɔ̄ tū fu ācɛ ipɔ́ɔma kú Ubɛ́njamīn nēe hile bá ɛyí ɛcɔ̄ kú Urímɔn ā, klla le da uwá ka ɛfú kú aá mla uwá ɔ́ɔ mɛ ɛɛ́.

¹⁴Eko nɛ̄ ācɛ ipɔ́ɔma kú Ubɛ́njamīn ā gā ā, ācɛ Ísrɛ̄lu le ayípáncɛ́nyā nēé kpó ŋmá Ujábɛssi ā kpó lɛ uwá, amáŋ é jīla uwá ŋ́.

¹⁵Ó kwú ācɛ ā iyē nɛ̄hi lɛ ipɔ́ɔma kú Ubɛ́njamīn, ohígbū ka Óndú ā le ōpīyatɔ̄há mɛ́mla aípɔ́ɔma ohile kú Ísrɛ̄lu ā gwū ɛɛ́.

¹⁶Anɔ́ɔ anyākwɔ́cɛ ohile kú ācɛ Ísrɛ̄lu ā le ɔ̄kā da ka ācɛnyā ɔ́ yɔ̄ ipɔ́ɔma kú Ubɛ́njamīn ɛ́ɛ́ gɛ ŋ́. Ɔdí nɛ̄ aá géē yá ɛ́ɛ́ kú aá lɛ anyā lɛ lɛ ācɛ ohile kú ipɔ́ɔma kú Ubɛ́njamīn, nēé lɛ anyā ɛ́ɛ́ ŋ́ mā āa?

¹⁷É ka ipɔ́ɔma ékpónú kóō híī hɛ́ ācɛ Ísrɛ̄lu abɔ̄ ŋmá ipú aípɔ́ɔma kú uwā ohile ā ŋ́. É ka aá géē dɔɔ̄kā ɔwɛ nɛ̄ aá géē yá cɛ́ɛ́ kú ācɛ kú ipɔ́ɔma kú Ubɛ́njamīn ā kéē géē yēeyī.

¹⁸É ka amáŋ, aá í gáā cɛ̄ lɛ uwá lɛ ayínɔ̄nyā kú aá ɔnyā ŋ́. Ohígbū ka, aá le ɛka gbo klla le okónu tá lɛ ɔ̄cɛ dúúmā nōo cɛ̄ le ɔ̄cɛ ipɔ́ɔma kú Ubɛ́njamīn lɛ ɔyí nū nɔ̄nyā lɛ.

¹⁹Anɔ́ɔ é le ɛlá gbo ka, eko nēé gē gwɛ́ɛya lɛ Óndú ā, klla gē lé ucɛ iháyí dóódu Ussílo ā, ɔ́ɔ yɔ̄ ī wā eko kpií ā. (Ussílo yɔ̄ ɛhíícō kú Ubɛ́tɛlu, ɛháajɛ kú Ulɛ́bānɔn, ɛnɔ̄ɔ̄nɛ̄ kú ɔwɛ nōo yɛ ŋmá Ubɛ́tɛlu ga Ussɛ́kɛm ā.)

²⁰É da ācɛ ipɔ́ɔma kú Ubɛ́njamīn ā kéē nyɔ̄ gáā tayínū ipú ɛhɔ̄ kú ufáyin ā,

²¹cɛ́ɛ́ kéē lɛ eyī kwɛcɛ. Cɛ́ɛ́ kú eko nɛ̄ ayípáncɛ́nyā kú Ussílo ɛ́ɛ gē wɛ̄ɛcɛ í jīījē eko kú ucɛ ā, kéē le tápláká wɛ̄ɛcɛ ŋmá ipú ɛhɔ̄ kú ufáyin ā, cɛ́ɛ́ ɔnyɔɔnyɛ kú uwā kóō lɛ ɔnyā éyi kwú abɔ̄fú ga ɔlɛ́ nū, ipɔ́ɔma kú Ubɛ́njamīn.

²²É ka ɔ́dāŋ nɛ̄ ádā uwā ámāŋ ka ayínɛ́ uwā nɔ̄nyīlɔ wā í lɛ ɛpɔ̄ kpó lɛ aá, aá géé da uwá kéē kócōō kéē lɛ aɛ́nyā kpó lɛ aá mɛ́ɛ̄. Ohígbū ka aá í mīyɛ uwá ŋmá abɔ̄ uwā abɔ̄fú ɔgbɛ́fú kéē wɛ ɔnyā aá ŋ́. É klla ka abɔ̄ ó wɛ uwá kpó lɛ aá ŋ́ mā, é nyíla okónu nēé ce ā ŋ́.

²³Anɔ́ɔ ācɛ kú ipɔ́ɔma kú Ubɛ́njamīn ā le ɛlā nēé ka ā yá. Ɔnyɔɔnyɛ kú uwā le ɔnyā éyi kwú ŋmá ipú ayípáncɛ́nyā nēe bá ī jīījē Ussílo ā, klla le ɔ́ bī ga ɔlɛ́ nū. Anɔ́ɔ é le cīgbīhi ga ɔlɛ́ uwā klla lɛ ɔlɛ́ ā túgwó, má lā anú á.

²⁴Eko ɔ́ɔmā, ɔnyɔɔnyɛ kú ācɛ Ísrɛ̄lu ā le cīgbīhi ga ipɔ́ɔma kú nū, ga ɔlɛ́ nū mɛ́mla ɛgiyí agbénú kú nū.

²⁵Eko nɛ̄ ācɛ Ísrɛ̄lu í lɛ ɔcɛ́ ŋ́ mā, ɔnyɔɔnyɛ ge yá ɔdā nōo he ɔ́ ɔtū.