Read idoma 2 UJƆ́ƆNI 1 Bible Online

2 UJƆ́ƆNI 1 - idoma bible

2 UJƆ́ƆNI 1

¹Ami, Ɔnyākwɔ́cɛ ā, ī hokónu tū ɛ́nɛ́ɛ́nɛ̄ ɔ̄nya nɛ̄ Ɔwɔicō fu ā mɛ́mla ayípɛ̄ ɔlɛ́ nū[1] ācɛ nēe he um ɔtū kú ɔkwɛ̄yi, ó wɛ ami ōfū um ŋ́, amáŋ odúúdú ācɛ nēe jé ɔ̄kwɛ̄yi kú Ɔwɔicō ā,

²ohígbū ka ɔ̄kwɛ̄yi nōo yɔ̄ ipú ɔtū kú alɔ, nōo kē ī yɔ̄ mla alɔ eko dóódu ā.

³N gē gbɔ̄ɔkɔ kú Ɔwɔicō ádā mɛ́mla Ujísɔ̄si Ohɔ́nyɛtá Ɔyínɔ̄nyīlɔ kú nū ā, kéē ményinyi alɔ. Kéē je ɛbɔ́ lɛ alɔ ipú ihɔtū mɛ́mla ɔ̄kwɛ̄yi.

⁴N gwéeyē nwunééné ohígbū ka n má ka ayípɛ̄ ɔlɛ́ uwɔ ōhī gē yɛ ɔwɛ ɔ̄kwɛ̄yi ā, ɛ́gɛ́nɛ̄ alɔ mīyɛ íne ŋmá ɛgiyí Ádā ā.

⁵Abālɔbányā n gē gbɔ̄ɔkɔ gā awɔ, ɛ́nɛ́ɛ́nɛ̄ ɔnyā, ó wɛ ka n gē tá íne ɛ̄yīpɛ̄ tū ɔkpá fu uwɔ ŋ́, amáŋ íne nɛ̄ alɔ mīyɛ ŋmá eko aflɛ́yí ā ka ālɔ̄ yíihɔtū tū ɔ́mpa alɔ.

⁶Ɛ̄nyā kē wɛ ihɔtū á, ká ālɔ̄ yá ɔdā nɛ̄ Ɔwɔicō da alɔ ka ālɔ̄ yá ipú íne ā. Ɔdā nōó ka ālɔ̄ yá ā wɛ ka ālɔ̄ yíihɔtū tá ɔ́mpa alɔ, ɛ́gɛ́nɛ̄ aá tɛtɛ pó ŋmá eko aflɛ́yí ā.

⁷Ohígbū ka ācɛ oplla ācɛ alɛwa le pɛ́ tú ipú ɛcɛ ɛɛ́. Ācɛ oplla ācɛ nēé cɛ̄ ka Ujísɔ̄si ɔ́ɔ wɛ̄ɛcɛ bɛ̄ɛka ɔlɛɛcɛ ā ŋ́ mā ā. Ɔ̄cɛ ɛ́gɔ́ɔmā wɛ ɔ̄cɛ oplla ɔ̄cɛ mɛ́mla ɔ̄cɛ obɛ́yíkwu Ohɔ́nyɛtá.

⁸Aá leyīkwu iyī aá, cɛ́ɛ́ ká ɔdā nɛ̄ alɔ húmáyī yúklɔ́ ohígbū nū ā kóō híī hɛ́ aá abɔ̄ ŋ́, amáŋ aá géē mīyɛ ulé úklɔ́ ká aá jōōjīla.

⁹Ɔ̄cɛ dúúmā nōo nyɛ̄ɛ̄ ŋmá ɔdā nɛ̄ Ohɔ́nyɛtá nwū ā, nɛ̄ ó bī ɔ̄ tīīpú ŋ́, ɔ̄cɛ ɔ́ɔmā í jé Ɔwɔicō ŋ́. Ɔ̄cɛ nōo bī ɔdā nɛ̄ Ohɔ́nyɛtá nwū tīīpú, ɔ̄cɛ ɔ́ɔmā lɛ Ádā mɛ́mla Ɔyínɔ̄nyīlɔ ā ɛplɛ́ɛpa.

¹⁰Ɔ́dāŋ́ ka ɔ̄cɛ dúúmā wā ɛgiyí aá, nɛ̄ ó kē cɛ̄ɛ̄lā nēé nwū nyā wā ŋ́, aá híī mīyɛ ɔ́ wā ɔlɛ́ aá ŋ́, aá kōō híī hokónu tū ɔ̄ ŋ́.

¹¹Ohígbū ka okónu ō hɛ́ tū ɔ̄ wɛ ɔdā ékpó mla opīyatɔ̄há ipú ucē obɔ̄bí kú uwā.

¹²N lɛ ɔdā alɛwa nɛ̄ n géē tá tū ɔkpá fu aá, amáŋ ń tíne ō tá ɔ̄ tū ipú ɔkpá ŋ́. Ohígbū ka n leyīce ka n géē wā ɛgiyí aá ká ālɔ̄ lɛ iyī alɔ má īkpēyī, cɛ́ɛ́ ká éeyē kú aá kóō le jīla.

¹³Ayípɛ̄ ɔlɛ́ ɔyínɛ́ uwɔ nɔ̄nya nēé fu ā, hokónu tū uwɔ.