Read igala 1 Iko Iko E̩wñ 9 Bible Online

1 Iko Iko E̩wñ 9 - igala bible

1 Iko Iko E̩wñ 9

¹Abe̩le̩ ma fʼabo Israe̩l du ko̩ nyʼo̩takada o̩lo̩pu o̩lo̩pu; e̩ la go, ma che̩ko̩ nyʼibuku amonu Israe̩l; ma la mu Juda ño̩ nyi Babilo̩n todu ada ku ma je̩.

²Oñ abo ku ma dabi dodo ewo ewo-ma chʼabo Israe̩l kpʼamatama kpʼabo Lifai kpai abo ku ma chʼuko̩lo̩ unyi O̩jo̩.

³Amo̩ma Juda kpʼamo̩ma Be̩njamin kpʼamo̩ma Ifraim kpai Ma-nasa ku ma gugu Je̩rusale̩m che

⁴Utai o̩ma Amihud, o̩ma O̩mri, o̩ma Imrai, o̩ma Benai ef amo̩ma Pe̩re̩z, o̩ma Juda le̩.

⁵E-abo Shailo̩n la che Asaya kʼi chʼo̩mo̩gba kpʼamo̩ma-wñ.

⁶Amo̩ma Ze̩ra ku ma jʼef uma la che Jeue̩l, kpʼamo̩maye-ma, ulo̩gwa nyʼe̩le̩gwa.

⁷Amo̩ma Be̩njamin ku ma jʼef uma la che Salu o̩ma Me̩shulam, o̩ma Ho̩dafaya, o̩ma Hase̩nua

⁸kpai lbneaya, o̩ma Je̩roham kpʼEla o̩ma Uzai, o̩ma Mikrai kpai Me̩shulam o̩ma She̩fe̩taya o̩ma Reue̩l, o̩ma Ibna-ija;

⁹kpʼamo̩maye-ma alu kʼo̩gba o̩gba-ma de̩, aluka one̩-wñ che icham nyʼoli me̩ta nyoke me̩fa. Abo-i chaka chʼabo ku ma dʼoji dufu ef amata-ma ef unyi amata-ma.

¹⁰Abo ku ma dʼef amatama la che Je̩daya kpai Je̩ho̩yarib kpai Jekin,

¹¹kpʼAzaraya o̩ma Hilkaya, o̩ma Me̩shulam, o̩ma Zedo̩k o̩ma Me̩rayo̩t o̩ma Ahaitub kʼi chʼe̩nuto̩gba unyi o̩jo̩;

¹²kpai Adaya o̩ma Je̩roham, o̩ma Pashur, o̩ma Malkija, kpai Maase̩e o̩ma Adie̩l, o̩ma Jaze̩ra, o̩ma Me̩shulam, o̩ma Me̩shile̩mit, o̩ma Ime̩r;

¹³kpʼamo̩maye-ma ku ma chʼabo ku ma dʼoji dufu ef unyi unyi amata-ma, icham nyʼo̩gwo̩ko̩ nyʼo̩gbo̩ meji chʼicham; ma chʼo̩je̩bi one̩ tod uko̩lo̩ e̩wñ eche ef unyi O̩jo̩.

¹⁴E-abo Lifai la che, She̩maya o̩ma Hashub, o̩ma Azraikam, o̩ma Hasha-baya, ef amo̩ma Me̩rari;

¹⁵kpai Bakbakkar, Hire̩sh kpai Gelal kpai Matanaya o̩ma Maika, o̩ma Zikrai o̩ma Esaf,

¹⁶kpai Obadaya o̩ma She̩maya, o̩ma Galal, o̩ma Je̩dutun kpai Be̩re̩kaya o̩ma Esa, o̩ma E̩lkana ku ma dodo adogbe adogbe abo Ne̩to̩fatai.

¹⁷Abo ku ma de alo̩na che, Shalum kpai Akub, kpai Talmo̩n kpai Ahaiman kpʼamo̩maye-ma; Shalum chʼagboji.

¹⁸Ama te̩tajo̩ alaku onu o̩wo̩ olodudu akwoubi; ama chʼama-dalo̩na ef uru amo̩ma Lifai.

¹⁹Oñ Shalum o̩ma Ko̩re̩, o̩ma Ibaisaf, o̩ma Ko̩ra kpʼamo̩maye-wñ ef abo unyi ata-wñ. Abo Ko̩ra le̩ la nʼo̩da uko̩lo̩ e̩wñ eche ñw O̩jo̩ ku ma dide o̩na o̩na unyabo; alu kʼamata-ma te̩te̩nʼo̩da uru Jihofa ku ma de alo̩na-wñ.

²⁰Oñ Fine̩has o̩ma E̩leaza chʼe̩nuto̩gba-ma akwoubi, Jihofa la dʼugbo-wñ.

²¹Ze̩karaya o̩ma Me̩she̩le̩maya chʼe̩ne̩ ki ade o̩na unyabo ujeju.

²²Aluka abo-i chaka ku ma chi ku ma dide alo̩na alo̩na che o̩gwo̩ko̩ nyoke me̩gwe-ji. Ma fʼabo le̩ lo likpa o̩lo̩pu o̩lo̩pu ef adogbe adogbe-ma owñ chʼabo ku Defid kpai Samiue̩l, agane̩ le̩, ko jo̩ ugugu abo ku ma chubi one̩ le̩.

²³Abe̩le̩ ama kpʼamo̩ma-ma nʼedejutʼalaku alaku unyi Jihofa, owñ chʼunyi unyabo kʼama ki dide o̩mo̩,

²⁴Ama-de alo̩na alo̩na jo̩ o̩wo̩ afu me̩le̩, o̩wo̩ olodudu kpʼo̩wo̩ olane̩, kpʼo̩wo̩ o̩pata ate̩, kpʼo̩wo̩ o̩pata o̩gane̩.

²⁵Oñ i dukpe̩ kʼamo̩maye-ma ku ma jo̩ adogbe adogbe-ma, ki wa o̩jo̩ mebie o̩jo̩ mebie ikoʼka ikoʼka ku ma jʼugbo ma:

²⁶todu amade alo̩na me̩le̩ ki tʼo̩gba ku ma chʼabo Lifai, ugugu-ma chʼugugu abo ku ma ke̩do̩no ma, ama la nʼo̩da unyi kekele unyi kekele kpʼe̩wñ akokokijʼef unyi O̩jo̩.

²⁷Todu ama le̩ ruru jo̩ lʼunyi O̩jo̩ daka, todabu kʼama nʼudu e̩wñ le̩ ede, ama nʼo̩na-wñ ebi odudu o̩jo̩ du.

²⁸Oñ abo-ma iche̩ka nʼedejute̩ e̩wñ eku ku ma ne̩ che e̩wñ unyi O̩jo̩ le̩. Todu ekaluka ma kʼe̩wñ le̩ aluka taku ma kowa ejefu, oñ ma ño̩ kaluka taku ma ko dufu.

²⁹Abo-ma iche̩ka ño̩ nʼo̩da ane̩ efu-wñ; kpʼe̩wñ eku kiafo̩ le̩ chaka, kpʼomu-wñ te̩ke̩ te̩ke̩ kpʼomi achiwebe̩te̩ma-wñ kpʼekpo-wñ, kpai frankinse̩ns-wñ, kpʼe̩wñ ido̩ro̩.

³⁰Oñ amo̩ma amatama iche̩ka añwʼe̩wñ ido̩ro̩ che ki ñwo̩.

³¹Oñ ma ke̩do̩no Matitaiya, e̩ne̩ Lifaiʼka kʼi chʼo̩mo̩gba Shalum e̩ne̩ Ko̩ra, kʼi dejutʼe̩wñ ku ma de̩ ef anade.

³²Oñ amo̩maye-ma iche̩ka, ku ma jʼef amo̩ma Kohat nʼo̩da akala ku ma te̩jo̩ ku ma che o̩jo̩ uñmi du.

³³Amakeli la jo̩-i: ma chʼabo ku ma dʼoji dufu ef amata abo Lifai, ku ma jʼef unyi kekele unyi kekele le̩, ku ma ma nʼe̩wñ omune̩ ache n; todu ma jʼef uko̩lo̩-ma o̩ro̩ka kpʼodu.

³⁴Abo-i chʼabo ku ma dʼoji dufu ef amata ef abo Lifai ef akwo̩ra unyi akwo̩ra unyi-ma ku ma chʼabo ki tʼo̩gba. Abo-i la gugu Je̩rusale̩m.

³⁵Oñ Jeie̩l, ata Gibeo̩n, gugu Gibeo̩n, odu o̩ya-wñ ko̩ Maaka:

³⁶Abdo̩n la chʼo̩mo̩gba-wñ, tak i bi Zur kpai Kish kpai Beal kpai Ne̩r kpai Nedab

³⁷kpai Gedor kpai Ahayo kpai Ze̩karaya kpai Miklot.

³⁸Miklot la bi She̩me̩am. Ama laño̩ dodo kpenyʼamo̩maye-ma Je̩rusale̩m kpʼamo̩maye-ma.

³⁹Ne̩r la bi Kish; Kish la bi So̩l; So̩l la bi Jonatan kpai Malkishua kpai Abinadab kpai E̩sh-beal.

⁴⁰O̩ma Jonatan la che Me̩ribeal; Me̩ribeal la bi Maika

⁴¹Amo̩ma Maika la che Paito̩n kpai Mile̩k kpai Tarea kpai Ehaz.

⁴²Oñ Ehaz bi Jara: Jara la bi Ale̩me̩t, kpʼAzmefe̩t, kpai Zimrai; Zimrai la bi Moza;

⁴³Moza la bi Baine̩a; kpai Re̩faya o̩ma-wñ; E̩liaza o̩ma-wñ, Eze̩l o̩ma-wñ.

⁴⁴Eze̩l la nʼamo̩ma e̩ne̩ke̩le̩ me̩fa kʼodu-ma ko̩, Azraikam kpai Boke̩ru kpai Ishmae̩l kpai Shiaraya kpai Obadaya kpai Henan; abo-i chʼamo̩ma Eze̩l.