Read igala E̩zra 10 Bible Online

E̩zra 10 - igala bible

E̩zra 10

¹Oñ abu kʼE̩zra do̩mo̩ achadua, kʼi nagbalu, kʼi nʼaku aro̩, kpai o̩la-wñ efiʼane̩ o̩gba unyi O̩jo̩, ujeju aboke̩le̩ kpai abobule̩ kpai abimo̩to̩ inaina kwʼef abo Israe̩l wa jeju ugbo-wñ; todu amone̩ le̩ araku anyʼanyi.

²Taku She̩kanaya, o̩ma Je̩hie̩l, kʼi chʼe̩ne̩ʼka ef amo̩ma e̩ne̩ke̩le̩ Elam dohi, oñ i ka ñw E̩zra kakini, A fʼada O̩jo̩-wa je̩, a la nʼabobule̩ ononojo kwef amo̩ma ane̩-i chʼo̩ya: ukibeno todu abo Israe̩l tod e̩wñ-i muda do̩mo̩ ta.

³Todule̩ a ki kpilo kpai O̩jo̩-wa ta, kʼa kʼamo̩ya le̩ jʼane̩ kpai amo̩ma-ma du ku ma bi ñw a, teju alu kʼalu odu-mi kpai abo kʼo̩la-ma aga todu uko̩ O̩jo̩-wa adʼibe ñw a; a ki che teju alu kʼuko̩-o̩la ka.

⁴Kwane̩; todu o̩la-we̩ de̩, a la jo̩ ugbo we̩; fʼe̩do̩ ne̩, kʼe̩ che ke.

⁵Tak E̩zra kwane̩, oñ i je̩ ñw amagboji amatama, kpai abo Lifai, kpai abo Israe̩l chaka go̩ ka kʼama ache teju o̩la le̩. Abe̩le̩ ma fu go̩.

⁶Tak E̩zra kwane̩ kwʼo̩gba unyi O̩jo̩, oñ i le tʼef unyi Jehohana, o̩ma E̩liashib, ejefu; oñ i lewa o̩mo̩ i je̩ e̩wñ du n, i la ñmʼomi n; todu i nadaido̩ todu ada kʼabo ku ma kwef amu le̩ je̩.

⁷Taku ma fʼakoya ta ugbo du ane̩ Juda kpai Je̩rusale̩m ñw amo̩ma ame̩namu le̩, kʼama ki kʼo̩la-ma wa jeju Je̩rusale̩m;

⁸ka kʼe̩ne̩ du ki ma wa tak o̩jo̩ me̩ta ki jo̩ n, mak alu kʼamagboji kpai abogijo lo te̩ kakini, Ma akʼane̩-wñ du jo̩ ñw O̩jo̩, ma la adʼowñ onugo ru bʼujeju abo ku ma kwef amu le̩ te̩.

⁹Tak aboke̩le̩ Juda kpai Be̩njamin chaka kʼo̩la-ma wa jeju Je̩rusale̩m tak o̩jo̩ me̩ta le̩ jo̩, ochu e̩ke̩la, o̩jo̩ ogu ochu le̩ i che. Tak amone̩ le̩ chaka guguane̩ jo̩ ojukpologu o̩gba unyi O̩jo̩, o̩la-ma naga tod o̩la-i kpai tod omi ki alo̩ akiliwo.

¹⁰Tak E̩zra, atama le̩, kwane̩ dago, oñ i ka ñwu ma kakini, Ame̩ f ʼada je̩, me̩ la kʼabobule̩ ononojo chʼo̩ya, ku me̩ che kʼabi kʼabo Israe̩l je̩ ki nyo̩gba.

¹¹Todule̩ me̩ ki gbalu ñwu Jihofa O̩jo̩ amata-me̩, ku me̩ che e̩wñ ki rʼe̩ e̩do̩; me̩ ki la fʼo̩la-me̩ daru bʼamone̩ ane̩-i kpai abobule̩ ononojo te̩.

¹²Tak abo ujeju le̩ chaka dʼomu dago nana dohi, oñ ma kakini, Abe̩le̩ i de̩; i dukpe̩ kʼa che alu kʼe̩ ka le̩.

¹³Amone̩-i muda chewewe, iko-i la chʼiko kʼomi alo̩ nana, a la neke jʼo̩do̩da n; uko̩lo̩-i la chʼuko̩lo̩ o̩jo̩ʼka abe̩k o̩jo̩ meji n; todu a muna bʼo̩ te̩ ef o̩la-i tabale.

¹⁴Me̩ ki chi amagboji wa koji abo ujeju-i chaka, tak abo du ku ma nʼabobule̩ ononojo chʼo̩ya ef ewo ewo-wa-i, ku ma nawa iko iko ku ma date̩; abogijo ewo ewo du kpai amaka-jo̩ ki nawa kpai ama, gbogbo tak uwe̩do̩ O̩jo̩-wa inaina-i ki rida bʼuwa oji te̩, gbogbo taku ma fʼo̩la o̩ya i che kpa chaka.

¹⁵Chai Jo̩natan, o̩ma Asahe̩l, kpai Jazeya, o̩ma Tikfa, kate kwane̩ dago, ma ko̩. Oñ Me̩shulam kpai Shabe̩tai (e̩ne̩ Lifai) amanyʼu-ma.

¹⁶Tak ame̩namu ku ma kwef amu le̩ fʼabe̩le̩ che. Oñ ma fʼE̩zra, atama le̩, kpai abo ku ma dʼoji dufu iche̩ka, alu kʼunyi unyi amata-ma de̩, kpe̩ru bʼabo kibo̩ te̩, ma la fʼodu-ma do̩ okoke; taku ma kwogugu ane̩ o̩jo̩ ejodudu ochu e̩ke̩gwa le̩, ku ma ñwa o̩la le̩.

¹⁷Oñ ma fʼo̩la aboke̩le̩ ku ma nʼamo̩ya ononojo ka kpa tak o̩jo̩ ejodudu ochu ejodudu jo̩.

¹⁸Oñ ma fʼamo̩ma amatama iche̩ka ku ma nʼabobule̩ ononojo chʼo̩ya li: e-amo̩ma Je̩shua ki chʼo̩ma Jo̩zadak, kpai amo̩maye-wñ che, Maaseya kpʼE̩lieza kpai Jarib kpai Ge̩dalaya.

¹⁹Tak abo le̩ dʼo̩wo̩-ma tʼo̩ kakini, Ama atʼo̩ya-ma le̩ no̩ tane̩; oñ abu ku ma fʼabi le̩ je̩, ma nʼokolo kwef ame̩wño̩re̩-ma egini wa tod abu ku ma fʼabi je̩.

²⁰Amo̩ma Ime̩r che Hanani kpai Ze̩badaya.

²¹Oñ amo̩ma Harim ku ma ne̩ che Maaseya kpʼE̩laija kpai She̩maya kpai Je̩hie̩l kpai Uzaya.

²²Oñ ef amo̩ma Pashur, E̩lionai kpai Maaseya kpʼIshmae̩l kpai Ne̩tane̩l kpai Jozabad kpai E̩lasa ne̩.

²³Oñ ef abo Lifai, Jozabad kpai Shimeai kpai Ke̩laya (owñ le̩ che Ketita) kpai Pe̩tahiya kpai Juda kpai E̩lieza ne̩.

²⁴Oñ ef amukeli E̩laiashib ne̩. Oñ ef amadalo̩na Shalum kpai Te̩le̩m kpʼUri ne̩.

²⁵Oñ ef abo Israe̩l; ef amo̩ma Pero̩sh, Ramaya kpʼIzaya kpai Malkija kpai Mijamin kpai E̩lieza kpai Malkija kpai Be̩naya ne̩.

²⁶Oñ ef amo̩ma Elam, Matanaya kpai Ze̩karaya kpai Je̩hie̩l kpʼAbdi kpai Je̩re̩mo̩t kpʼE̩laija ne̩.

²⁷Oñ ef amo̩ma Zatu, E̩lioenai kpʼE̩liashib kpai Matanaya kpai Je̩re̩mo̩t kpai Zabad kpai Aziza ne̩.

²⁸Oñ ef amo̩ma Bebai, Jehohanan kpai Hananaya kpai Zabai kpʼAtlai ne.

²⁹Oñ ef amo̩ma Bani, Me̩shulam kpai Maluk kpʼAdaya kpai Jashub kpai Shial kpai Je̩re̩mo̩t ne̩.

³⁰Oñ ef amo̩ma Pahat-moab, Adna kpai Chelal kpai Be̩naya kpai Maaseya kpai Matanaya kpai Be̩zale̩l kpai Binui kpai Manasa ne̩.

³¹Amo̩ma Harim, ku ma ne̩ la che, E̩lieza kpʼIsshi-ja kpai Malkija kpai Shemaya kpai Shime̩o̩n,

³²kpai Be̩njamin kpai Maluk kpai She̩maraya.

³³Ef amo̩ma Hashum, Matenai kpai Matata kpai Zabad kpai E̩life̩le̩t kpai Je̩re̩meai kpai Manasa kpai Shimeai ne̩.

³⁴Ef amo̩ma Bani, Maadeai kpʼAmram kpʼUe̩l

³⁵kpai Be̩naya kpai Be̩de̩ya kpai Che̩luhi,

³⁶kpai Fana-ya kpai Me̩re̩mo̩t kpʼE̩laiashib,

³⁷kpai Matanaya kpai Matenai kpai Jaasu,

³⁸kpai Bani kpai Biniu-ai kpai Shimeai,

³⁹kpai She̩le̩maya kpai Natan kpai Adaya,

⁴⁰Makna-debai kpai Shashai kpai Sharal,

⁴¹kpʼAzare̩l kpai She̩le̩maya kpai She̩maraya,

⁴²kpai Shalum kpʼAmaraya kpai Jose̩f.

⁴³Ef amo̩ma Nebo, Jeie̩l kpai Matataya kpai Zabad kpai Zebina kpʼIddo kpai Jo̩e̩l kpai Be̩naya.

⁴⁴Abo-i chaka fʼabobule̩ ononojo ne̩ chʼo̩ya; o̩ya iche̩ka la bi amo̩ma ñwu ma.