Read igala Aizaya 15 Bible Online

Aizaya 15 - igala bible

Aizaya 15

¹O̩la Moab de̩. Todu ma fu Ar e-Moab chile̩che̩ odu, i bʼebo̩ n; todu ma fu Kir e-Moab chile̩che̩ odu, i bʼebo̩ n.

²Ma nyi Bayit kpai Dibo̩n, nyʼoj otete otete ku ma raku; Moab akwa todu Nebo kpai todu Me̩deba. O̩ji-ma du chʼo̩bo̩bo̩lo̩, ma fʼilagba-ma du ja rinyo̩;

³ma kʼe̩gbanukpo lago de ajʼej o̩na-ma; ma jʼojokunyi-ma kpai ojukpologu-ma, e̩ne̩ne̩ne̩ne̩ akwa, ugbo du chʼaku aku ero̩.

⁴He̩shbo̩n kpai Eleale la akpogu, ma gbʼomu-ma gbogbo nyi Jahaz; todule̩ oñ aboke̩le̩ Moab ku ma fʼOlogu ji jʼakwa taa; onugo-wñ ejefu-wñ nagagogodo.

⁵E̩do̩-mi akwa todu Moab; abo-wñ ku ma fʼo̩wo̩ tane̩ ara nyi Zoar, gbogbo nyi E̩glat-shelishija. Todu ma jʼaraku abu ma ate̩gu Luhit; todu ej o̩na Horonaim ma jʼakpʼelelelele;

⁶todu omi Nimrim achʼo̩kpakpala te̩; todu egbe-wñ kwacha rinyo̩, ije̩ aña me̩, e̩wñ emimi du bo̩ n.

⁷Todule̩ e̩wñ ku ma yajo̩ e̩kute̩ kpai e̩wñ ku ma ko ne le̩ ma ako lo tʼudaba aji Wilo.

⁸Todu ogu ku ma kpa le̩, lʼalo̩me̩ Moab daka me̩; ukwa-wñ la kade E̩glaim, ukwa-wñ la kade Bir-elim ge̩.

⁹Todu omi Dimon che̩ko̩ ñw e̩bie̩; todu u ñʼakʼe̩wñ omune̩ wa abʼoji Dimon ma ta, kpai idu abʼoji abo Moab ku ma fʼo̩wo̩ tane̩ le̩ ma, kpai abʼoji e̩bo̩bo̩ amone̩ le̩ ma.