Read igala Ekaluka 29 Bible Online

Ekaluka 29 - igala bible

Ekaluka 29

¹Oñ o̩jo̩ ejodudu ochu e̩kebie ame̩ ki nʼujeju kiafo̩; ame̩ ki che uko̩lo̩ akanya du n. O̩jo̩ le̩ chʼo̩jo̩ o̩kakachi efa taa ño̩ fa taa ñwu me̩,

²ame̩ ki kʼe̩wñ iche̩bo̩ e̩gujo wa ki akpo ru Jihofa: owñ chʼo̩mokuno̩ o̩ko̩ʼka kpai okoloʼka kpai amala mebie ku ma chʼo̩mʼo̩do̩ʼka ku ma mufu;

³kpai e̩wñ ele-ma kʼi chʼomu te̩ke̩te̩ke̩ kʼekpo kpe̩gwa nyʼu, ukpe̩gwa-wñ me̩ta chʼutodu o̩kokuno̩ le̩, ukpe̩gwa-wñ meji la chʼutodu okolo le̩,

⁴ukpe̩gwaʼka chʼutodu amo̩mala mebie le̩ okʼoka lale;

⁵kpai o̩mobuko̩ʼka todu iche̩bo̩ adure, ku ma ne̩ che e̩wñ e̩boma todu me̩;

⁶abʼe-le̩ amanyʼiche̩bo̩ e̩gujo e-ochu etito̩ kpai e̩wñ ele-wñ kpai e̩wñ iche̩bo̩ e̩gujo o̩ko̩ko̩lo̩ le̩, kpai e̩wñ ele-wñ kpai omi omi-ma, likpa alu kʼoji ajo̩-wñ ku ma ka de̩, kʼi chʼe̩wñ ki akpo ku ma kowa lugbo una ñwu Jihofa.

⁷Tak o̩jo̩ e̩ke̩gwa ochu e̩kebie le̩ ame̩ ki nʼujeju ki afo̩ ge̩, me̩ ki hi onugo o̩la-me̩ wane̩; ame̩ ki chʼuko̩lo̩ du n,

⁸me̩ ki muda kʼe̩wñ iche̩bo̩ e̩gujo wa ñwu Jihofa, kʼi akpo: owñ chʼo̩mokuno̩ o̩ko̩ʼka kpai okoloʼka kpai amala mebie ku ma chʼo̩mʼo̩do̩ʼka; ama ki mufu eju-me̩;

⁹kpai e̩wñ ele-ma, kʼi chʼomu te̩ke̩te̩ke̩ kʼe̩kpo kpe̩gwa nyʼu, ukpe̩gwa-wñ me̩ta chʼutodu o̩kokuno̩, ukpe̩gwa-wñ meji chʼutodu okoloʼka le̩,

¹⁰ukpe̩gwaʼka chʼutodu o̩mala okʼoka ef amo̩mala mebie le̩:

¹¹i ño̩ nʼo̩mobuko̩ʼka todu iche̩bo̩ adure manyʼiche̩bo̩ adure e-e̩boma le̩ kpai iche̩bo̩ e̩gujo o̩ko̩ko̩lo̩ kpai e̩wñ ele-wñ kpai iche̩bo̩ omi-wñ okoke lale.

¹²Tak o̩jo̩ e̩ke̩gwe̩lu ochu e̩kebie ame̩ ñʼanʼujeju kiafo̩ ge̩; ame̩ ache uko̩lo̩ akanya du n, me̩ ki la de̩ uje̩wñ uyo̩ ñwu Jihofa gbogbo o̩jo̩ mebie;

¹³oñ me̩ anʼe̩wñ iche̩bo̩ e̩gujo wa, owñ chʼe̩wñ ku ma du wa lugbo una, e-ki akpo ru Jihofa, owñ chʼo̩mokuno̩ o̩ko̩ me̩gwe̩ta kpai o̩ko̩lo̩ meji kpai amala me̩gwe̩le̩ ku ma chʼo̩mo̩do̩ʼka; ama le̩ ki mufu;

¹⁴kpai e̩wñ ele-ma, owñ chʼomu te̩ke̩te̩ke̩ kʼekpo kpe̩gwa nyʼu, amo̩kokuno̩ me̩gwe̩ta le̩ okʼoka-ma anʼukpe̩gwa me̩ta e̩ta lale, amokolo meji le̩ anʼukpe̩gwa meji e̩ji,

¹⁵ukpe̩gwaʼka la chʼutodu amo̩mala me̩gwe̩le̩ okʼoka lale;

¹⁶kpai o̩mobuko̩ʼka tod iche̩bo̩ adure; abo e-le̩ amanyʼe̩wñ iche̩bo̩ e̩gujo o̩ko̩ko̩lo̩ kpai e̩wñ ele-wñ kpai omi-wñ.

¹⁷Oñ e-o̩jo̩ ekeji-wñ chʼo̩mokuno̩ o̩ko̩ me̩gweji kpai okolo meji kpai amala me̩gwe̩le̩ ku ma chʼo̩mʼo̩do̩ʼka ku ma muifu,

¹⁸kpai e̩wñ ele kpai omi-wñ tod amo̩kokuno̩ le̩; todu amokolo kpai todu amo̩mala le̩, chʼalu kʼuwewe-ma de̩, likpa alu kʼo̩j o̩la-wñ ku ma du te̩ de̩;

¹⁹manyʼo̩mobuko̩ʼka tod iche̩bo̩ adure, abo e-le̩ achʼojoji ñw iche̩bo̩ e̩gujo o̩ko̩ko̩lo̩ le̩ kpai e̩wñ ele-wñ kpai omi-ma.

²⁰Oñ e-ojo e̩ke̩ta-wñ chʼo̩kokuno̩ me̩gwaka kpai okolo meji kpai amala me̩gwe̩le̩ ku ma chʼomʼo̩do̩ʼka ku ma mufu,

²¹kpai e̩wñ ele kpai omi-wñ tod amo̩kokuno̩ le̩ kpai tod amokolo kpai tod amo̩mala le̩, alu kʼuwewe-ma de̩, likpa alu ku ma dʼoji o̩la-wñ te̩;

²²manyʼo̩mewoʼka tod iche̩bo̩ adure; abo e-le̩ achʼojoji ñw iche̩bo̩ e̩gujo o̩ko̩ko̩lo̩ le̩ kpai e̩wñ ele-wñ kpai omi-wñ.

²³Oñ e-o̩jo̩ e̩ke̩le̩-wñ chʼo̩kokuno̩ me̩gwa kpai okolo meji kpai amala me̩gwe̩le̩ ku ma chʼo̩mʼo̩do̩ʼka ku ma mufu,

²⁴kpai e̩wñ ele kpai omi-wñ tod amo̩kokuno̩ le̩ kpai tod amokolo kpai tod amo̩mala alu kʼuwewe-ma de̩, likpa alu ku ma dʼoji o̩la-wñ te̩;

²⁵manyʼo̩mobuko̩ʼka tod iche̩bo̩ adure, abo e-le̩ achʼojoji ñw iche̩bo̩ e̩gujo o̩ko̩ko̩lo̩ le̩ kpai e̩wñ ele-wñ kpai omi-wñ.

²⁶Oñ e-o̩jo̩ e̩ke̩lu-wñ chʼo̩kokuno̩ me̩lu kpai okolo meji kpai amala me̩gwe̩le̩ ku ma chʼo̩mʼo̩do̩ʼka ku ma mufu,

²⁷kpai e̩wñ ele kpai omi-wñ tod amo̩kokuno̩ kpai tod amokolo kpai tod amo̩mala le̩, alu kʼuwewe-ma de̩, likpa alu ku ma dʼoji o̩la-wñ te̩;

²⁸manyʼo̩mewoʼka tod iche̩bo̩ adure; abo e-le̩ achʼojoji ñw iche̩bo̩ e̩gujo o̩ko̩ko̩lo̩ le̩ kpai e̩wñ ele-wñ kpai omi-wñ.

²⁹Oñ e-o̩jo̩ e̩ke̩fa-wñ chʼo̩kokuno̩ me̩jo̩ kpai okolo meji kpai amala me̩gwe̩le̩ ku ma chʼomʼo̩do̩ʼka, ku ma mufu,

³⁰kpai e̩wñ ele kpai omi-wñ tod amo̩kokuno̩ kpai tod amokolo kpai tod amo̩mala le alu kʼuwewe-ma de̩, likpa alu ku ma dʼoji o̩la-wñ te̩;

³¹manyʼo̩mewoʼka tod iche̩bo̩ adure; abo e-le̩ achʼojoji ñw iche̩bo̩ e̩gujo o̩ko̩ko̩lo̩ le̩ kpai e̩wñ ele-wñ kpai omi-wñ.

³²Oñ e-o̩jo̩ e̩kebie-wñ chʼo̩kokuno̩ mebie kpai okolo meji kpai amala me̩gwe̩le̩ ku ma chʼo̩mʼo̩do̩ʼka ku ma mufu,

³³kpai e̩wñ ele kpai omi-wñ tod amo̩kokuno̩ le̩ kpai tod amokolo kpai tod amo̩mala le̩ alu kʼuwewe-ma de̩, likpa alu ku ma dʼoji o̩la-wñ te̩;

³⁴manyʼo̩mewoʼka tod iche̩bo̩ adure; abo e-le̩ achʼojoji ñw iche̩bo̩ e̩gujo o̩ko̩ko̩lo̩ le̩ kpai e̩wñ ele-wñ kpai omi-wñ.

³⁵Oñ e-o̩jo̩ e̩ke̩jo̩-wñ ame̩ anʼujeju eju e̩kpa; ame̩ ache uko̩lo̩ akanya du n,

³⁶me̩ muda dʼe̩wñ iche̩bo̩ e̩gujo wa, owñ chʼe̩wñ eduwa lugbo una, kʼi akpo ru Jihofa: o̩kokunoʼka kpai okoloʼka kpai amala mebie ku ma chʼo̩mʼo̩do̩ʼka ku ma mufu,

³⁷kpai e̩wñ ele kpai omi tod o̩kokuno̩ kpai tod okolo kpai tod amo̩mala le̩ alu kʼuwewe-ma de, likpa alu ku ma dʼoji o̩la-wñ te̩;

³⁸manyʼo̩mewoʼka tod iche̩bo̩ adure; abo e-le̩ achʼojoji ñw iche̩bo̩ e̩gujo o̩ko̩ko̩lo̩ le̩ kpai e̩wñ ele-wñ kpai omi-wñ.

³⁹Abo e-ele̩ me̩ ako wa ñwu Jihofa iko uje̩wñ uyo̩-me̩ kʼiko-wñ chʼe̩da te̩-i, e-le̩ amanyʼoji ku me̩ da kpai e̩wñ ku me̩ gʼe̩do̩la-me̩ ko wa, tod iche̩bo̩ e̩gujo-me̩ kpai e̩wñ ele-me̩ kpai tod omi-me̩ kpai tod iche̩bo̩ ure̩do̩-me̩.

⁴⁰Taku Mose̩s mʼe̩wñ du du ka ñw abo Israe̩l teju alu ku Jihofa ñwa ñwu Mose̩s le̩.