Read igala Abo E̩fe̩sus 1 Bible Online

Abo E̩fe̩sus 1 - igala bible

Abo E̩fe̩sus 1

¹Po̩l, e̩nukpuche̩ Kraist Jisus lef edʼO̩jo̩ e̩do̩ ki dʼO̩jo̩ e̩do̩, tʼugbo abo kiafo̩ ku ma jʼE̩fe̩sus, ku ma laño̩ chʼabo ku ma chʼachubi O̩jo̩ efu Kraist Jisus.

²Ufe̩de̩nyo̩ kpai ure̩do̩ ki dʼugbo me̩ kwʼugbo O̩jo̩ Ata-wa kpai Ondu Jisus Kraist.

³O̩jo̩ ki chʼAta Ondu-wa Jisus Kraist ki nʼele, owñ de̩nyo̩ ñw a ef e̩nyo̩ e-afu du ef uña efojale efu Kraist,

⁴alu kʼi ño̩ chi wa tane̩ ef uwñ o̩gba taku ma kpʼe̩re̩ ile̩-i kʼawa ki chʼabo kiafo̩ kʼa we enʼenyo̩lo̩ o̩gba-wñ ef ufe̩do̩.

⁵Abu kʼi mʼuwa date̩ tane̩ todu ku ma ki mʼuwa ko jʼef o̩da o̩ga o̩ma ñw owñ lefu Jisus Kraist,

⁶alu ki rʼowñ e̩do̩ kʼe̩do̩-wñ du, ku ma ki ñwulo̩ ojima e-ufe̩de̩nyo̩-wñ e-kʼi mʼu ko chʼuwa ele ef E̩nufe̩do̩ le̩.

⁷Ela wa tane̩ ku ma la wa tane̩ a ne̩ ef uwñ lef e̩bie̩-wñ, owñ chʼeto̩no̩ kʼi tʼuñwa-nane̩-wa no̩ ñwu wa tʼeju alu kʼunana ufe̩de̩nyo̩ e-wñ de̩.

⁸Owñ chʼe-kʼi je̩ ñw u mud ololo ñw a ef ofili du kpai ibe;

⁹oñ i je̩ ñwu wa ma afili e̩wñ ki dʼowñ e̩do̩ teju alu ki rʼowñ e̩do̩, owñ chʼibe kʼi ñwa tane̩ ef uwñ,

¹⁰ki nʼigede e-ukpoji iko iko du ede, kʼi fʼe̩wñ du rʼoji jo̩ efu Kraist, tʼe̩wñ efojale, tʼe̩wñ ane̩-ile̩-i ef owñ.

¹¹Ma ño̩ chi wa ef uwñ kʼa chʼe̩wñ ogu, abu kʼa chedate̩ tane̩ teju alu kʼe̩ne̩ ki aje̩ ñw e̩wñ du chuko̩lo̩ alu kʼe̩do̩ o̩la-wñ akʼo̩ fʼibe-wñ ñwate̩ tane̩,

¹²todu kʼawa ki chʼe̩wñ ku ma ñwulo̩ ojima-wñ, awa kʼa kibeno Kraist akwoubi.

¹³Ef uwñ oñ ame̩ ge̩, abu ku me̩ gbo̩ o̩la ochochi le̩, owñ chʼUche̩nyo̩ e-ujadu-me̩, abu ku me̩ ke̩do̩nʼo, ma nʼAfu Kiafo̩ ku ma kʼo̩la-wñ tane̩ le̩ fʼume̩ hiuko̩ ef uwñ;

¹⁴owñ le̩ chʼe̩wñ ugbo̩wo̩ e-e̩wñ ogu-wa gbogbo wʼe̩gba ku ma wa gba e̩wñ kʼi ne̩-i tane̩ kʼojima-wñ ki nʼuñwulo̩.

¹⁵Lef e-le̩, omi onugo ge̩, abu kʼu gbʼinabali e̩do̩ ekono ef Ondu Jisus ki dʼef ume̩, kpai ufe̩do̩ ku me̩ ne̩ tod abo kiafo̩ du,

¹⁶nawe ugwa egwa todu me̩ n, nachʼarewa me̩ ef adua-mi;

¹⁷todu kʼO̩jo̩ e-Ondu-wa Jisus Kraisti, Ata ojima le̩, kʼi nadʼafu e-ibe ñwu me̩ kpai e-o̩la ebite̩ ku me̩ ki fʼowñ ma ogbolo;

¹⁸kʼeju e-e̩do̩-me̩ ki nʼugane̩, ku me̩ ki ma e̩wñ ki chʼukibeno ef udo̩ kʼi ado̩, kpai e̩wñ ki chʼunana ojima e̩wñ ogu-wñ ef abo kiafo̩

¹⁹kpai e̩wñ ki chʼunana tabale e-ukpahiu-wñ ñw awa kʼa ke̩do̩no-i, alu kʼugbiti ugbiñmi-wñ achuko̩lo̩,

²⁰owñ chʼe-kʼi ne̩ chuko̩lo̩ efu Kraist, kʼi ne̩ dʼowñ kwane̩ kwef abo ki ku, kʼi laño̩ dʼowñ gugu o̩wo̩ awo̩to̩-wñ ef uña efojale;

²¹atate̩ ololo ñw agboji du kpai o̩da kpai ukpahiu, kpai ondu du, kpai odu du ku ma ko̩, i chʼef okpanachi-i kate n, i muda ño̩ chʼef e-ki ache kʼi wa ge̩:

²²i laño̩ fʼe̩wñ du kamuhi tʼo̩gane̩ e̩re̩-wñ me̩, oñ i mʼowñ du che oji e̩wñ du ñw ujeju abudo̩ Ondu;

²³kʼi chʼaño̩la-wñ, kʼi chʼukefu e-e̩ne̩ ki ako̩ e̩wñ tʼe̩wñ du efu le̩.