Read igala Jo̩shua 15 Bible Online

Jo̩shua 15 - igala bible

Jo̩shua 15

¹Oñ anya ku ma ro̩ todu abo o̩lo̩pu Juda likpa alu kʼakwo̩ra unyi akwo̩ra unyi-ma le̩ je̩ kado alo̩me̩ Ido̩m, gbogbo wʼaje̩tachi Zin o̩wo̩ o̩pata o̩gane̩, ugbo ukpoji o̩pata o̩gane̩ le̩.

²Alo̩me̩-ma o̩wo̩ o̩pata o̩gane̩ le̩ la te̩ akwo ukpoji Ohimini Omu, owñ chʼakwo okpo ki akpejuru o̩wo̩ o̩pata o̩gane̩;

³oñ i akwʼo̩mo̩ le rʼo̩wo̩ o̩pata o̩gane̩ ate̩gu Akrabim, tak i alale o̩mo̩ nyi Zin, tak i ate̩gu lʼo̩wo̩ o̩pata o̩gane̩ Kede̩sh-barnea, tak i alale me̩ru He̩zro̩n, kʼi te̩gu nyi Adar, tak i rida anyi Karka,

⁴oñ i alale o̩mo̩ anyi Azmo̩n, tak i akpoji aji Ijipti le̩; eledufu alo̩me̩-wñ la dʼohimini abadi: e-le̩ la chʼalo̩me̩-me̩ o̩wo̩ o̩pata o̩gane̩.

⁵Alo̩me̩-wñ o̩wo̩ olodudu chʼOhimini Omu, gbogbo wʼade Jo̩rdan kpai ohimini le̩. Tak alo̩me̩-wñ o̩wo̩ o̩pata ate̩ te̩ akwo okpo Ohimini Omu kʼi dʼade Jo̩rdan le̩;

⁶oñ alo̩me̩ le̩ ate̩gu nyi Be̩t-hogla, tak i alale o̩wo̩ o̩pata ate̩ Be̩t-araba; oñ alo̩me̩-wñ te̩ kad okuta Bohan, o̩ma Rube̩n le̩;

⁷tak alo̩me̩ le̩ anyi Debir kwo o̩go̩ Ekor, abe̩le̩ i arida tʼo̩wo̩ o̩pata ate̩ akpejuru Gilgal, kʼi me̩ru ate̩gu Adumim, e-ki dʼo̩wo̩ o̩pata o̩gane̩ aji le̩; tak alo̩me̩-wñ alale nyʼugbo omi En-shime̩sh, eledufu-wñ la de̩ E̩n-roge̩l;

⁸tak alo̩me̩-wñ ate̩gu lʼo̩go̩ o̩ma Hino̩m lʼakolo e̩ne̩ Je̩bius le̩, (e-le̩ che Je̩rusale̩m); tak alo̩me̩ le̩ mute̩gu tʼoji uwo kʼi dʼo̩gba o̩go̩ Hino̩m o̩wo̩ olane̩ le̩, owñ chʼe-ki dʼukpoji ukpolo Refaim o̩wo̩ o̩pata ate̩ le̩;

⁹tak alo̩me̩ le̩ te̩ akwo oj uwo le̩ wa ugbo e̩bi omi Neftoa, oñ i ledufu nyʼewo ewo oj uwo Efro̩n; tak i rida kwʼo̩mo̩ anyi Beala (owñ le̩ che Kiriat-jearim),

¹⁰tak alo̩me̩-wñ arida akwo Beala tʼo̩wo̩ olane̩ anyi uwo Seir, tak i alale o̩mo̩ ale akolo uwo uwo Jearim o̩wo̩ o̩pata ate̩ (owñ le̩ che Chesalo̩n), tak i agwo̩ru nyi Be̩t-shimesh, oñ i alale iba Timna;

¹¹tak alo̩me̩-wñ ledufu anyi akolo E̩kro̩n o̩wo̩ o̩pata ate̩, tak alo̩me̩-wñ te̩ gbogbo wa Shikeron, oñ i alale o̩me̩ nyi uwo Beala, tak i ledufu Jabnee̩l; eledufu alo̩me̩-wñ akpoji o̩la ohimini le̩.

¹²Tak alo̩me̩-wñ o̩wo̩ olane̩ che Ohimini Elile, kpai o̩la-wñ. E-le̩ chʼalo̩me̩ abo Juda ale daka, alu kʼakwo̩ra unyi akwo̩ra unyi-ma de̩.

¹³Tak i mʼukpe̩ ʼka du ñwu Kele̩b, o̩ma Jefune le̩, ef abo Juda, alu kʼo̩la ki Jihofa ñwa ñwu Jo̩shua de̩, owñ che Kiriat-arba, owñ che He̩bro̩n, (Arba le̩ chʼata Anak).

¹⁴Taku Kele̩b fʼamo̩ma Anak me̩ta ne kwʼo̩mo̩ dufu, ama che Sheshai kpai Ahinmu kpai Talmai, amo̩ma Anak le̩.

¹⁵Tak i mute̩gu kwʼo̩mo̩ nyʼakobo̩ abo ku ma dodo Debir; odu Debir igbele la ko̩ Kiriat-sefe̩r.

¹⁶Taku Kele̩b kakini, E̩ne̩ ki fu Kiriat-sefe̩r gulo̩, kʼi mʼu gba, nadu Aksa o̩ma-mi ñw u kʼi chʼo̩ya-wñ.

¹⁷Oñ O̩tnie̩l o̩ma Kenaz, o̩maye Kele̩b, fʼu du; tak i mu Aksa o̩ma-wñ du ñw u chʼo̩ya-wñ.

¹⁸Oñ e̩gba kʼonobule̩ le̩ lewa i kʼo̩ e̩che̩ nyʼugbo ata-wñ kʼi bi ane̩ʼka; oñ onobule̩ le̩ mudachi bʼoji o̩ke̩ke̩te̩-wñ te̩, taki Kele̩b ka ñw u kakini, E̩wñ dʼuwe̩ e̩do̩?

¹⁹Oñ i kakini, E̩ dʼe̩nyo̩ʼka ñwu mi; abu kʼuwe̩ mʼane̩ o̩wo̩ o̩pata o̩gane̩ du ñwu mi, e̩ ki ño̩ kʼe̩bi e̩bi omi ñwu mi ge̩. Tak i mʼe̩bi omi o̩wo̩ ate̩ kpai o̩wo̩ o̩gane̩ ko ñw u.

²⁰E-le̩ chʼe̩wñ ogu abo o̩lo̩pu Juda, likpa alu kʼakwora unyi akwo̩ra unyi-ma de̩.

²¹Oñ ewo ewo abo o̩lo̩pu Juda akwo ukpoji-wñ o̩wo̩ alo̩me̩ Ido̩m o̩wo̩ o̩pata o̩gane̩ le̩ che Kabzee̩l kpai Ede̩r kpai Jagur

²²kpai Kina kpai Dimona kpai Adada

²³kpai Kede̩sh kpai Hazo̩r kpai Itnan

²⁴kpai Zif kpai Tele̩m kpai Bealo̩t

²⁵kpai Hazo̩r-hadata kpai Keriot-he̩zro̩n (owñ le̩ che Hazo̩r),

²⁶Amam kpai Shema kpai Molada

²⁷kpai Hazar-gada kpai He̩shmo̩n kpai Be̩t-pe̩le̩t

²⁸kpai Hazar-shual kpai Birshiba kpai Biziotia,

²⁹Beala kpai Iim kpai Eze̩m

³⁰kpai E̩ltolad kpai Chesil kpai Ho̩rma

³¹kpai Ziklag kpai Madmana kpai Sansana

³²kpai Le-bao̩t kpai Shilhim kpai Ain kpai Rimo̩n: o̩chaka ewo le̩ che ogu nyoke me̩la, manyu ikpo unyi ikpo unyi-ma ge̩.

³³Oj ane̩ o̩go̩ Eshtaol kpai Zora kpai Ashna

³⁴kpai Zanoa kpai En-ganim kpai Tapua kpai Enam;

³⁵Jarmut kpai Adulam kpai Soko kpai Azika

³⁶kpai Shaaraim kpai Adi-taim kpai Gedera kpai Gederotaim: ewo me̩gwe̩le̩ manyu ikpo unyi ikpo unyi-ma.

³⁷Zenan kpai Hadasha kpai Midgal-gad

³⁸kpai Dilean kpai Mizpa kpai Jo̩ktee̩l

³⁹kpai Lakish kpai Bo̩zkat kpai Eglo̩n

⁴⁰kpai Kabon kpai Laman kpai Chitlish,

⁴¹kpai Gedero̩t kpai Be̩t-dago̩n kpai Naama kpai Make̩da: ewo me̩gwe̩fa manyu ikpo unyi ikpo unyi-ma.

⁴²Libna kpai Ete̩r kpai Ashan

⁴³kpai Ifta kpai Ashna kpai Nerib,

⁴⁴kpai Keila kpai Akzib kpai Maresha: ewo me̩la manyu ikpo unyi ikpo unyi-ma.

⁴⁵E̩kro̩n manyu adogbe adogbe-wñ kpai ikpo unyi ikpo unyi-wñ;

⁴⁶akwo E̩kro̩n gbogbo wa ohimini abadi, e-du ki jʼakolo̩ Ashdo̩d, manyu ikpo unyi ikpo unyi-ma.

⁴⁷Ashdo̩d manyu adogbe adogbe-wñ kpai ikpo unyi ikpo unyi-wñ; Gaza manyu adogbe adogbe-wñ kpai ikpo unyi ikpo unyi-wñ; gbogbo wa aji Ijipti kpai Ohimini Elile kpai o̩la-wñ ge̩.

⁴⁸Oñ oj ane̩ uwo le̩, Shamir kpai Jatir kpai So̩ko̩

⁴⁹kpai Dana kpai Kiriat-sana (owñ le̩ che Debir)

⁵⁰kpai Anab kpai Eshtemo kpai Anim

⁵¹kpai Goshe̩n kpai Holon kpai Gilo: ewo me̩gwaka manyu ikpo unyi ikpo unyi-ma.

⁵²Arab kpai Duma kpai Eshan

⁵³kpai Janim kpai Be̩t-tapua kpai Afeka

⁵⁴kpai Humta kpai Kiriat-arba (owñ le̩ che He̩bro̩n) kpai Zior: ewo me̩la manyu ikpo unyi ikpo unyi-ma.

⁵⁵Mao̩n kpai Karme̩l kpai Zif kpai Juta

⁵⁶kpai Je̩zree̩l kpai Jokdeam kpai Zanoa

⁵⁷kpai Rein kpai Gibea kpai Timna: ewo me̩gwa manyu ikpo unyi ikpo unyi-ma.

⁵⁸Halhul kpai Be̩t-zur kpai Gedo̩r

⁵⁹kpai Maarat kpai Be̩t-ano̩t kpai E̩lteko̩n: ewo me̩fa manyu ikpo unyi ikpo unyi-ma.

⁶⁰Kiriat-beal (owñ che Kiriat-jearim) kpai Raba: ewo meji manyu ikpo unyi ikpo unyi-ma.

⁶¹Ef aje̩tachi le̩ ge̩, Be̩t-araba kpai Midin kpai Sekaka

⁶²kpai Nibshan kpai Ewo Omu le̩ kpai E̩nge̩di: ewo me̩fa manyu ikpo unyi ikpo unyi-ma.

⁶³Abo Israe̩l muda neke ne abo Je̩bius ku ma dodo Je̩rusale̩m le̩ dufu n: abe̩le̩ oñ abo Je̩bius le̩ dodo kpenyu abo Juda Je̩rusale̩m o̩mo̩ gbogbo tʼeñini.