Read ikwere Matiyu 3 Bible Online

Matiyu 3 - ikwere bible

Matiyu 3

¹N'ige wam Jọni Nye Wụ Mini varụ nọokpo okwo ikwu-ọnu Chiokike n'ẹli-ịkpa ke Judiya,

²naakaa, “Anụ tụhnasna mkpọma, kwnornu nụ ẹli-eze Chiokike zị ndụndu.”

³Jọni bụ nye wam Azaya nye ọwhnurninya kwuru ọka gbasịri a, naakaa, “Akpịri otu badnụ nọokpo okwo n'ẹli-ịkpa, naakaa, ‘Anụ mekwata apna Nyenwe aị, anụ mee apna a snị asnị.’ ”

⁴Jọni wogwu iwo be jiri rịjni akpụkpo anọhia be kwu kamẹli mee, ajnị ọ snụ n'ikwnu bụ akpụkpo anọhia, wiri a bụ igwurube nụ mọno ebeka ọhia.

⁵Ele Jerusẹlem nụ kpakara ele Judiya nụ kpakara ele wugwu nụ ngeri Osimini Jọdani gburugburu whọkwnusiri a,

⁶ọ wụ be mini n'Osimini Jọdani, be nookwuhịa mmehie be.

⁷Kọvu nga ọ whnụrnu agịda ele Farisi nụ ele Sadusi hne be naava ma ọ wụ be mini, ọ kanụ be, “Anụ ẹbnurnu agwọ, nyele kannụ anụ, anụ gbanahọru ovu owe ẹhni Chiokike ke jaava?

⁸Anụ mịi mkpụru ke jeegesi nụ anụ tụhnasnarnu mkpọma hite nụ mmehie.

⁹Anụ rị́ko nụ rime anụ, naakaa, ‘Ebereham bụ nda aị,’ me kanụ anụ nụ Chiokike nwernu rikne mee kpakara akaworugwu ka ghọ rụmu Ebereham.

¹⁰Kịtna, be tụkwasilam ehnigwe n'ikwnu kpakara isisi, ke bụ nụ be joogbudna isisi ọbula ke mị́nyala mkpụru ọma, be jọotubna a nụ rime bẹkwnu.

¹¹“M ji m mini nọowu anụ mini ke neegesi nụ anụ tụhnasnarnu mkpọma hite nụ mmehie anụ, kọvu nye kagwụ m rikne naava n'aznụ m, nye me dụ́gwo n'owhudnahie chịri okoro-ọchi a, nye wam jeeji Enine Nsọ nụ bẹkwnu nọowu anụ mini.

¹²Nye nhne ọwhusna ịkpa zị n'aka a, ọ jọowhusna ịkpa a nkarị, ọ jaachịkota ịkpa a yisi n'ọbna a, kọvu o jeeji bẹkwnu ke chní echni rnesnama ruznurnuznu ịkpa.”

¹³N'ige wam, Jizọsi hiri nụ Galili vadu Osimini Jọdani znekwnusi Jọni ma ọ wụ a mini.

¹⁴Kọvu nụ Jọni kwéle a, ọ kaa, “Ọ zị m mkpa ị wụ m mini, jị n'iwhuru i, ị naavakwnusi m?”

¹⁵Jizọsi kanụ a, “Gharụ a kpam kịtna, kwnornu nụ ọ bụru ọma kpam ma a mezu kpakara nhne bụru ọma n'omume.” Jọni gharụ a.

¹⁶Nga Jọni wụru Jizọsi mini, ngangam o hiri nụ mini nọowhuya, le, oligwe kpumernu, Jizọsi whnụ Enine ke Chiokike hne o neewhedna lele nduru, neebekwasi a.

¹⁷Otu akpịri hiri n'oligwe, naakaa, “Ka bụ Nnwọ m me whnụrnu n'anya, nhne a masịri m.”