Read ikwere Okpume 15 Bible Online

Okpume 15 - ikwere bible

Okpume 15

¹M whnụ nhne berere n'oligwe, okne nhne ndu-ẹhni. Enine izi ẹsau vu nhne awhnụwhnu ẹsau ke ipne-aznụ, okne ovu owe ẹhni Chiokike ke ipne-aznụ zị nụ rime be.

²M whnụ kwno nhne nụ lele osimini nyno be gwarụ bẹkwnu, nụ ele wam megburu anọhia wam nụ igbudu a nụ ọnu ọgwnugwnu rẹwhna a, hne be gwuzo nụ ngeri osimini nyno wam, be ji ọbo Chiokike nyernu be.

³Be nọogwnu eri Mozizi nye izi Chiokike nụ eri Nnwọ Atnụrnu wam, “Ẹrnu ị tụ n'anya, zị masị rikne! Nyenwe aị Chiokike ke Meli Nhne Dum, Kpakara apna ị snịrni asnị bụru ezi ọka, Eze zị ọkwnukokwnu.

⁴Nyele jọ́otu ogwnu i, Nyenwe aị? Nyele jóokwuhịa igwugwu ke rẹwhna ị? Kwnornu nụ jị nụ nsnụnu ị zị nsọ, kpakara mba jaava kpọ risi ẹli nụ ruwhnu i, kwnornu nụ ikpe bụru ọma ị zuru kpakara ọwa.”

⁵Nga ka mekworu, m whnụ Ọro Nsọ Chiokike n'oligwe gbamarnụ bụ Ọro-Ẹka ruwhnu Chiokike.

⁶Enine izi ẹsau wam vu nhne awhnụwhnu ẹsau hi nụ rime Ọro Nsọ wam whụya, be wogwu iwo noonwu onwu, be ji ajnị mkpọma golu kne nụ mkpọma be.

⁷Otu nhne zị bụdnu wam nyega enine izi ẹsau wam obele ẹsau okne ovu owe ẹhni Chiokike jihịaru nụ rime be, bụ nye zị bụdnu ọkwnukokwnu.

⁸Rụnwurnu jihịa Ọro Nsọ wam hite n'igwugwu nụ iknernema Chiokike, ọ zá nye nwernu rikne ọ bna Ọro Nsọ wam tem awhnụwhnu ẹsau wam enine izi ẹsau wam vuyarụ kwome.