Read izere Ike̱ng a ta tonong aYohana 15 Bible Online

Ike̱ng a ta tonong aYohana 15 - izere bible

Ike̱ng a ta tonong aYohana 15

¹Mi di ike̱ng ikak natoon kaza igbang'e ife azhing. Mi di ámaleka kanataar be iriri amaan risam kanataar rife̱ igang'e. Kamok be ba ne a tin tonong riye̱ kubeseng Adakunom rife igang'e.

²Iyong mi di ike̱ng ikak i ta se kyo̱ndi kudung agilas a tá min kare̱ be kuro̱ng. Ne mi di áner a tá canang ikewum ame be ike̱ng i tú ku tas ne izizo̱ riyerek wu ame, ba se nuyeseng nukim agbang kudung'e. Á se be ízom Adakunom tá ka nyesek ba.

³Á bom abom aMusa asam Adakunom be abom a ta bom Aturuk'e ame ye, “Kunye wan se yiik ne ku nye ike̱ng azhing Adakunom agbang Agwo̱m Ágwo̱m afe kukyem cei. Iren wan nye iren itek be ife katsak. Wan ne i nye agbang Agwo̱m Ágwo̱m afe ánerawe kazatse cice̱r.

⁴Angan ne a ta fok inyim wan baꞌ, agbang Agwo̱m Ágwo̱m a tana won dar a tiyiik riyerek wan e̱? Kamok wan ze̱r tsek ne i se zhe̱l. Ánerawe kazatse cice̱r ta be̱s á ta ka ya iben kamok wan tonong ye kunye wan nye kufe katsak.”

⁵Nama anong, mi tá fa ye̱re̱k kaza, kaye̱e̱r agbang kutu kuya Adakunom iben ne mi di kubur kushu Adakunom kuye̱.

⁶Ámaleka kanataar wuruk kaye̱e̱r kutu kuya Adakunom iben be iriri amaan risam kanataar ame. Án nyeseng be ares akan aya a tá gye̱se̱m ne á rosom nafok ba be idun ikak a tá nye be izinariya.

⁷Ayong azining kaye̱e̱r ike̱re̱ i ta be kutser ame, no̱o̱k ámaleka kanataar'e nakereng a ta nye be izinariya kanataar na ta shining be riye̱ kubeseng Adakunom, wu afe a ta se ma izen izen.

⁸Ayong agbang kutu kuya Adakunom iben ame shining be itsing i ta wuruk kaye̱e̱r kuyiik Adakunom ne kukyem wu. Akak kyem a no̱ kaye̱e̱r agbang kutu kuya Adakunom iben'e baꞌ, ma izen iya iriri amaan risam kanataar ife ámaleka kanataar'e tá gang.