Read Traducción Kadosh Israelita Mesiánica 1 ნეშტთა 24 Bible Online

1 ნეშტთა 24 - Traducción Kadosh Israelita Mesiánica bible

1 ნეშტთა 24

¹აჰა, აჰარონიანთა დასები: აჰარონის ძენი - ნადაბი და აბიჰუ, ელეაზარი და ითამარი.

²მამაზე ადრე დაიხოცნენ ნადაბი და აბიჰუ, ისე, რომ ძენი არ ჰყოლიათ და ელეაზარი და ითამარი მღვდლობდნენ.

³დაადგინა დავითმა ცადოკი - ელეაზარის ძეთაგან და ახიმელექი, ითამარის ძეთაგან, თავ-თავის ადგილზე, თავ-თავისი მსახურების მიხედვით.

⁴აღმოჩნდა, რომ ელეაზარის ძეთაგან მამისსახლთა თავკაცები უფრო მეტი იყო, ვიდრე ითამარის ძეთაგან. ასე დაანაწილა ისინი: ელეაზარის ძეთაგან მამისსახლთა თექვსმეტი თავკაცი, ითამარის ძეთაგან კი - რვა.

⁵წილისყრით დაანაწილეს ისინი, ვინაიდან ელეაზარისა და ითამარის ძენი მთავრობდნენ საწმიდრისა და უფლის წინაშე.

⁶და აღნუსხავდა მათ შემაყია ნეთანელის ძე, ლევიანი მწერალი, მეფისა და მთავართა, ცადოკ მღვდლისა და ახიმელექ აბიათარის ძის, ლევიანი ღვთისმსახურების მამისსახლთა თავკაცების წინაშე; წილის ყრისას ერთ ოჯახს ელეაზარის გვარიდან იყვანდნენ, ერთს კი - ითამარისა.

⁷პირველი წილი იეჰოიარიბს ერგო, მეორე - იედაიას,

⁸მესამე - ხარიმს, მეოთხე - სეყორიმს,

⁹მეხუთე - მალქიას, მეექვსე - მიამინს,

¹⁰მეშვიდე - ჰაკოცს, მერვე - აბიას,

¹¹მეცხრე - იეშუას, მეათე - შექანიაჰუს,

¹²მეთერთმეტე - ელიაშიბს, მეთორმეტე - იაკიმს,

¹³მეცამეტე - ხუფას, მეთოთხმეტე - იეშებაბს,

¹⁴მეთხუთმეტე - ბილგას, მეთექვსმეტე - იმერს,

¹⁵მეჩვიდმეტე - ხეზირს, მეთვრამეტე - ჰაფიცეცს,

¹⁶მეცხრამეტე - ფეთახიას, მეოცე - იეხეზკელს,

¹⁷ოცდამეერთე - იაქინს, ოცდამეორე - გამულს,

¹⁸ოცდამესამე - დელაიაჰუს, ოცდამეოთხე - მაყაზიაჰუს.

¹⁹ეს იყო მათი განაწესი უფლის ტაძარში სამსახურისას თავისი წესისამებრ, რომელიც მიიღეს მათი მამის, აჰარონის ხელით, როგორც ამცნო მას უფალმა, ისრაელის ღმერთმა.

²⁰ასე დანაწილდნენ ლევის დანარჩენი ძენი: ყამრამის ძეთაგან - შუბაელი; შუბაელის ძეთაგან - იეხდეიაჰუ;

²¹რეხაბიაჰუსგან: მის ძეთაგან - იშია, თავკაცი;

²²იცჰარელთაგან - შელომოთი; შელომოთის ძეთაგან - იახათი;

²³ხებრონის ძენი: იერიაჰუ, ამარიაჰუ - მეორე, იახაზიელი - მესამე და იაკამეამი - მეოთხე.

²⁴უზიყელის ძეთაგან - მიქა; მიქას ძეთაგან - შამირი;

²⁵მიქას ძმა - იშია; იშიას ძეთაგან - ზაქარია;

²⁶მერარის ძენი - მახლი და მუში; იაყაზიაჰუს ძეთაგან - ბენო.

²⁷მერარის ძეები იაყაზიაჰუსგან: ბენო, შოჰამი, ზაქური და ყიბრი.

²⁸მახლისგან - ელეაზარი, რომელსაც ძენი არ ჰყავდა.

²⁹კიშისგან - მისი ძე, იერახმეელი.

³⁰მუშის ძენი - მახლი, ყედერი და იერიმოთი, ესენი იყვნენ ლევიანთა ძენი, თავიანთი საგვარეულოების მიხედვით.

³¹მათაც უყარეს წილი, როგორც აჰარონის ძეებს - მეფე დავითის, ცადოკის, ახიმელექის, მამისსახლთა თავკაცების, მღვდლებისა და ლევიანთა წინაშე; მამისსახლთა თავკაცებმა თავიანთ უმცროს ძმებთან ერთად იყარეს წილი.