Read Traducción Kadosh Israelita Mesiánica 1 ნეშტთა 25 Bible Online

1 ნეშტთა 25 - Traducción Kadosh Israelita Mesiánica bible

1 ნეშტთა 25

¹დაანაწილეს მსახურებისთვის დავითმა და მისმა მხედართმთავრებმა ასაფის, ჰემანის და იედუთუნის ძენი, რათა ქნარების, ჩანგებისა და წინწილების თანხლებით გაეწიათ წინასწარმეტყველური მსახურება; მათი რიცხვი, რომლებიც ამ მსახურებას ეწეოდნენ, იყო:

²ასაფის ძეთაგან: ზაქური, იოსები, ნეთანია და ასარელა; ასაფის ძენი ასაფის ხელქვეითნი იყვნენ და მეფის მითითებით წინასწარმეტყველებდნენ.

³იედუთუნისგან, იედუთუნის ძენი: გედალიაჰუ, ცერი, იეშაყიაჰუ, ხაშაბიაჰუ, მათითიაჰუ, შიშა - ექვსნი. თავიანთი მამის, იედუთუნის ხელქვეითნი იყვნენ, რომელნიც ქნარზე წინასწარმეტყველებდნენ უფლის სამადლობელს და საქებ-სადიდებელს.

⁴ჰემანისგან, ჰემანის ძენი: ბუკიაჰუ, მათანიაჰუ, ყუზიელი, შებუელი, იერიმოთი, ხანანია, ელიათა, გიდალთი, რომამთი, ყეზერი, იოშბეკაშა, მალოთა, ჰოთირი და მახაზიოთი.

⁵ესენი იმ ჰემანის ძენი არიან, რომელიც მეფისთვის წინასწარმეტყველებდა ღმერთის სიტყვით, რათა მისი დიდების რქა აემაღლებინა. ღმერთმა ჰემანს თოთხმეტი ძე და სამი ასული მისცა.

⁶ყველა ესენი თავისი მამის ხელქვეით გალობდნენ უფლის სახლში წინწილებით, ჩანგებით და ქნარებით მეფის, ასაფის, იედუთუნისა და ჰემანის მითითებით.

⁷უფლისთვის გალობაში განსწავლულთა და მცოდნეთა რიცხვი, თავის ძმებთან ერთად, ორას ოთხმოცდარვა იყო.

⁸ჰყარეს წილი, თუ ვის როდის უნდა ემსახურა, როგორც დიდმა, ისე პატარამ, განსწავლულმა და მოსწავლემ.

⁹პირველი წილი ერგო ასაფს იოსებისთვის; მეორე გედალიაჰუს, იგი, მისი ძენი და ძმები - თორმეტნი.

¹⁰მესამე - ზაქურს, მისი ძენი და ძმები - თორმეტნი;

¹¹მეოთხე - იცრის, მისი ძენი და ძმები - თორმეტნი;

¹²მეხუთე - ნეთანიაჰუს, მისი ძენი და ძმები - თორმეტნი;

¹³მეექვსე - ბუკიაჰუს, მისი ძენი და ძმები - თორმეტნი;

¹⁴მეშვიდე - იეშარელას, მისი ძენი და ძმები - თორმეტნი;

¹⁵მერვე - ესაიას, მისი ძენი და ძმები - თორმეტნი;

¹⁶მეცხრე - მათანიაჰუს, მისი ძენი და ძმები - თორმეტნი;

¹⁷მეათე - შიმყის, მისი ძენი და ძმები - თორმეტნი;

¹⁸მეთერთმეტე - ყაზარელს, მისი ძენი და ძმები - თორმეტნი;

¹⁹მეთორმეტე - ხაშაბიას, მისი ძენი და ძმები - თორმეტნი;

²⁰მეცამეტე - შუბაელს, მისი ძენი და ძმები - თორმეტნი;

²¹მეთოთხმეტე - მათითიაჰუს, მისი ძენი და ძმები - თორმეტნი;

²²მეთხუთმეტე - იერემოთს, მისი ძენი და ძმები - თორმენტი;

²³მეთექვსმეტე - ხანანიაჰუს, მისი ძენი და ძმები - თორმეტნი;

²⁴მეჩვიდმეტე - იოშბეკაშას, მისი ძენი და ძმები - თორმეტნი;

²⁵მეთვრამეტე - ხანანის, მისი ძენი და ძმები - თორმეტნი;

²⁶მეცხრამეტე - მალოთის, მისი ძენი და ძმები - თორმეტნი;

²⁷მეოცე - ელიათას, მისი ძენი და ძმები - თორმეტნი;

²⁸ოცდამეერთე - ჰოთირს, მისი ძენი და ძმები - თორმეტნი;

²⁹ოცდამეორე - გიდალთის, მისი ძენი და ძმები - თორმეტნი;

³⁰ოცდამესამე - მახაზიოთს, მისი ძენი და ძმები - თორმეტნი;

³¹ოცდამეოთხე - რომამთი-ყეზერს, მისი ძენი და ძმები - თორმეტნი.