Read Traducción Kadosh Israelita Mesiánica 1 ნეშტთა 6 Bible Online

1 ნეშტთა 6 - Traducción Kadosh Israelita Mesiánica bible

1 ნეშტთა 6

¹ლევის ძენი იყვნენ: გერშომი, კეჰათი და მერარი.

²გერშომის ძეთა სახელები: ლიბნი და შიმყი.

³კეჰათის ძენი იყვნენ: ყამრამი, იცჰარი, ხებრონი და ყუზიელი.

⁴მერარის ძენი: მახლი და მუში; ლევის საგვარეულონი თავ-თავისი მამის სახლებით:

⁵გერშომის ძე ლიბნი; მისი ძე იახათი, ხოლო მისი ძე ზიმა,

⁶მისი ძე იოახი, მისი ძე ყიდო, მისი ძე ზერახი, მისი ძე იეათრაი.

⁷კეჰათის ძენი: მისი ძე ყამინადაბი, მისი ძე კორახი, მისი ძე ასირი,

⁸მისი ძე ელკანა, მისი ძე ებიასაფი და მისი ძე ასირი,

⁹მისი ძე თახათი, მისი ძე ურიელი, მისი ძე ყუზია და მისი ძე შაული.

¹⁰ელკანას შთამომავალნი: ყამასაი, ახიმოთი.

¹¹ახიმოთის ძე იყო ელკანა, მისი ძენი: ცეფაია და ნახათი,

¹²მისი ძე ელიაბი; მისი ძე იეროხამი; მისი ძე ელკანა.

¹³სამუელის ძენი: პირმშო ვაშნი და აბია.

¹⁴მერარის ძენი: მახლი, ლიბნი, შიმყი და ყუზა,

¹⁵მისი ძე შიმყა, მისი ძე ხაგია, მისი ძე ყასაია.

¹⁶აი ისინი, ვინც მგალობლებად დაადგინა დავითმა უფლის ტაძარში, როცა კიდობანი დაასვენა იქ.

¹⁷მსახურობდნენ მგალობლებად, საკრებულო კარვის, სავანეს წინაშე, სანამ სოლომონი უფლის ტაძარს ააშენებდა იერუსალიმში; თავისი წესდებისამებრ დგებოდნენ მსახურებაზე.

¹⁸აჰა, მომსახურენი და მათი ძენი: კეჰათის ძეთაგან - ჰემან მგალობელი, იოელის ძე, ძისა სამუელის,

¹⁹ელკანას, იეროხამის, ელიელის, თოახის,

²⁰ცუფის, ელკანას, მახათას, ყამასაის,

²¹ელკანას, იოელის, ყაზარიას, ცეფანიას,

²²თახათის, ასირის, ებიასაფის, კორახის,

²³იცჰარის, კეჰათის, ლევისა და ისრაელის შთამომავალი.

²⁴მისი ძმა ასაფი, მის მარჯვნივ იდგა. ასაფ - ძე ბერექიაჰუ შიმყის ძისა,

²⁵მიქაელის, ბაყასეიას, მალქიას,

²⁶ეთნის, ზერახის, ყადაიას,

²⁷ეთანის, ზიმას, შიმყის,

²⁸იახათის, გერშომისა და ლევის შთამომავალი.

²⁹მათ ხელმარცხნივ მერარის ძენი იდგნენ: ეთან კიშის ძე, ყაბდის, მალუქის,

³⁰ხაშაბიას, ამაციას, ხილკიას,

³¹ამაცის, ბანის, შამერის,

³²მახლის, მუშის, მერარისა და ლევის შთამომავალი.

³³მათი ძმანი, ლევიანნი დაინიშნენ სავანის ყოველ მსახურებაზე, ღვთის სახლში,

³⁴აჰარონი და მისი ძენი კი სრულადდასაწველისა და საკმეველის სამსხვერპლოზე აკმევდნენ, წმიდათა-წმიდაის ყოველი საქმისა და ისრაელის შენდობისათვის, როგორც ამცნო მათ მოსემ, ღვთის მსახურმა.

³⁵ესენი იყვნენ აჰარონის ძენი: მისი ძე ელეაზარი, მისი ძე ფინხასი, მისი ძე აბიშუაყი,

³⁶მისი ძე ბუკი, მისი ძე ყუზი, მისი ძე ზერახი,

³⁷მისი ძე მერაიოთი, მისი ძე ამარია, მისი ძე ახიტუბი,

³⁸მისი ძე ცადოკი და მისი ძე ახიმაყაცი.

³⁹ეს არის მათი სამკვიდრებელი, რომელიც წილისყრით შეხვდა აჰარონის ძეთ, კეჰათის საგვარეულოდან.

⁴⁰მისცეს ხებრონი თავისი საძოვრებით, იუდას ქვეყანაში.

⁴¹ქალაქის ყანები კი, თავისი სოფლებით, ხალებ იეფუნეს ძეს მისცეს.

⁴²მისცეს აჰარონის ძეებს თავშესაფარი ქალაქები: ხებრონი და ლიბნა, იათირი და ეშთემოა თავ-თავისი საძოვრებით,

⁴³ხილენი თავისი ყანებით, ასევე დებირი თავისი ყანებით,

⁴⁴აშანი თავისი ყანებით და ბეთშემეში თავისი ყანებით.

⁴⁵ბენიამინის ტომიდან: გებაყი და ყალამეთი თავ-თავისი საძოვრებით, აგრეთვე ყანათოთი თავისი საძოვრებით: მათი საგვარეულოების მთელი ქალაქები, სულ ცამეტი.

⁴⁶კეჰათის დანარჩენ ძეებს, მენაშეს ნახევარტომიდან, ათი ქალაქი მისცეს წილისყრით.

⁴⁷გერშომის ძეებს ცამეტი ქალაქი მისცეს ბაშანში თავისი საგვარეულოების მიხედვით, ისაქარის, აშერის, ნაფთალისა და მენაშეს ტომებიდან.

⁴⁸მერარის ძეებს წილისყრით თორმეტი ქალაქი მისცეს თავისი საგვარეულოების მიხედვით, რეუბენის, გადისა და ზებულონის ტომიდან.

⁴⁹აი, ეს ქალაქები მისცეს ისრაელის ძეებმა ლევიანებს თავ-თავისი შემოგარენით.

⁵⁰წილისყრით მისცეს იუდას, სიმონისა და ბენიამინის ტომების ძეთ სახელდებული ქალაქები.

⁵¹ხოლო კეჰათის ძეთა ზოგიერთ საგვარეულოს ეფრემის ტომის ქალაქები მისცეს.

⁵²მისცეს მათ თავშესაფარი ქალაქები: შექემი და მისი საძოვრები ეფრემის მთაზე და გეზერი თავისი მიწებით,

⁵³იაკმეყამი და ბეთ-ხორენი თავ-თავისი საძოვრებით,

⁵⁴აიალონი და გათ-რიმონი თავ-თავისი საძოვრებით.

⁵⁵კეჰათის დანარჩენ ძეებს მენაშეს ნახევარტომიდან ყანერი და ბილყამი გადასცეს თავ-თავისი საძოვრებით.

⁵⁶მენაშეს ნახევარტომის საგვარეულოებისგან გერშონის ძეებს გადასცეს გოლანი ბაშანში და აგრეთვე ყაშთაროთი თავ-თავისი საძოვრებით.

⁵⁷ისაქარის ტომიდან - კედეში და დაბრათი თავ-თავისი საძოვრებით,

⁵⁸რამოთი და ყანემი თავ-თავისი საძოვრებით.

⁵⁹აშერის ტომიდან - მაშალი და ყაბდონი თავ-თავისი საძოვრებით,

⁶⁰ხუკოკი და რეხობი თავ-თავისი საძოვრებით.

⁶¹ნაფთალის ტომიდან - კედეში გალილეაში, ხამონი და კირიათაიმი თავ-თავისი საძოვრებით.

⁶²მერარის დანარჩენ ძეებს ზებულონის ტომიდან - რიმონი და თაბორი თავ-თავისი საძოვრებით.

⁶³მისცეს რეუბენის ტომიდან იორდანეს გაღმა - აღმოსავლეთით, იერიხოს პირდაპირ, უდაბნოში მდებარე ბეცერი და იაჰცა თავ-თავისი საძოვრებით,

⁶⁴კედემოთი და მეფაყათი თავ-თავისი საძოვრებით.

⁶⁵გადის ტომიდან - რამოთი გილყადში თავ-თავისი საძოვრებით,

⁶⁶ხეშბონი და იაყზერი თავ-თავისი საძოვრებით.