Read Traducción Kadosh Israelita Mesiánica ეზრა 2 Bible Online

ეზრა 2 - Traducción Kadosh Israelita Mesiánica bible

ეზრა 2

¹ესენი არიან ტყვეობიდან ამოსულნი, რომლებიც ბაბილონში გადაასახლა ნაბუქოდონოსორმა, ბაბილონის მეფემ და ხელახლა დაბრუნდნენ იერუსალიმსა და იუდაში, თითოეული თავის ქალაქში;

²რომლებიც მოვიდნენ ზერუბაბელთან, იეშუასთან, ნეემიასთან, სერაიასთან, რეყლაიასთან, მორდექაისთან, ბელშანთან, მისფართან, ბიგვაისთან, რეხუმთან და ბაყანასთან ერთად. ეს იყო ისრაელის ხალხის მამაკაცთა რიცხვი:

³ფარყოშის ძენი - ორი ათას ას სამოცდათორმეტი,

⁴შეფატიას ძენი - სამას სამოცდათორმეტი,

⁵არახის ძენი - შვიდას სამოცდათხუთმეტი,

⁶ფათახ-მოაბის ძენი, იეშუასა და იოაბის ძენი - ორი ათას რვაას თორმეტი,

⁷ყელამის ძენი - ათას ორას ორმოცდათოთხმეტი,

⁸ზათუს ძენი - ცხრაას ორმოცდახუთი,

⁹ზაქაის ძენი - შვიდას სამოცი,

¹⁰ბანის ძენი - ექვსას ორმოცდაორი,

¹¹ბებაის ძენი - ექვსას ოცდასამი,

¹²ყაზგადის ძენი - ათას ორას ოცდაორი,

¹³ადონიკამის ძენი - ექვსას სამოცდაექვსი,

¹⁴ბიგვაიას ძენი - ორი ათას ორმოცდათექვსმეტი,

¹⁵ყადინის ძენი - ოთხას ორმოცდათოთხმეტი,

¹⁶ატერის ძენი ეზეკიას სახლეულიდან - ოთხმოცდათვრამეტი,

¹⁷ბეცაიას ძენი - სამას ოცდასამი,

¹⁸იორას ძენი - ასთორმეტი,

¹⁹ხაშუმის ძენი - ორას ოცდასამი,

²⁰გიბარის ძენი - ოთხმოცდათხუთმეტი,

²¹ბეთლემის ძენი - ას ოცდასამი,

²²ნეტოფას კაცები - ორმოცდათექვსმეტი,

²³ყანათოთის კაცები - ას ოცდარვა,

²⁴ყაზმავეთის ძენი - ორმოცდაორი,

²⁵კირიათ-ყარიმის, ქეფირას და ბეროთის ძენი - შვიდას ორმოცდასამი,

²⁶რამას და გაბაყის ძენი - ექვსას ოცდაერთი,

²⁷მიქმასის კაცები - ას ოცდაორი,

²⁸ბეთელისა და ჰაღაის კაცები - ორას ოცდასამი,

²⁹ნებოს ძენი - ორმოცდათორმეტი,

³⁰მაგბიშის ძენი - ას ორმოცდათექვსმეტი,

³¹ყელამის სხვა ძენი - ათას ორას ორმოცდათოთხმეტი,

³²ხარიმის ძენი - სამას ოცი,

³³ლოდის, ხადიდის და ონოს ძენი - შვიდას ოცდახუთი,

³⁴იერიხოს ძენი - სამას ორმოცდახუთი,

³⁵სენაას ძენი - სამი ათას ექვსას ოცდაათი,

³⁶მღვდლები: იედაყიას ძენი იეშუას სახლიდან - ცხრაას სამოცდაცამეტი,

³⁷იმერის ძენი - ათას ორმოცდათორმეტი,

³⁸ფაშხურის ძენი - ათას ორას ორმოცდაშვიდი,

³⁹ხარიმის ძენი - ათას ჩვიდმეტი,

⁴⁰ლევიანები: იეშუასა და კადმიელის ძენი ჰოდავეის ძეთაგან - სამოცდათოთხმეტი;

⁴¹მგალობელნი: ასაფის ძენი - ას ოცდარვა;

⁴²კარისმცველთა ძენი: შალუმის, ატერის, ტალმონის, ყაკუბის, ხატიტას და შობაისა - სულ ას ოცდაცხრამეტი;

⁴³ნეთინელთა ძენი: ციხას, ხაშუფას, ტაბაყოთის,

⁴⁴კეროსის, სიაყას, ფადონის,

⁴⁵ლებანას, ხაგაბას, ყაკუბის,

⁴⁶ხაგაბის, შამლაის, ხანანის,

⁴⁷გიდელის, გახარის, რეაიას,

⁴⁸რეცინის, ნეკოდას, გაზამის,

⁴⁹ყუზას, ფასეახის, ბესაის,

⁵⁰ასნას, მეყუნიმის, ნეფუსიმის,

⁵¹ბაკბუკის, ხაკუფას, ხარხურის,

⁵²ბაცლუთის, მეხიდას, ხარშას,

⁵³ბარკოსის, სისერას, თამახის,

⁵⁴ნეციახის და ხატიფას ძენი;

⁵⁵სოლომონის მსახურთა ძენი: სოტაის, სოფერეთის, ფერუდას,

⁵⁶იაყლას, დარკონის, გიდელის,

⁵⁷შეფატიას, ხატილის, ფოქერეთ-ცებაიმის და ამის ძენი;

⁵⁸სულ ტაძრის მსახურნი და სოლომონის მსახურთა შვილები - სამას ოთხმოცდათორმეტი.

⁵⁹ესენი გამოვიდნენ თელ-მელახიდან, თელ-ხარშადან, ქერუბიდან, ადანიდან და იმერიდან, მაგრამ ვერ შეძლეს თავიანთი მამისსახლებისა და წარმომავლობის გარკვევა, ისრაელისა თუ იყვნენ:

⁶⁰დელაიას, ტობიას და ნეკოდას ძენი - სულ ექვსას ორმოცდათორმეტი.

⁶¹მღვდლების შვილები, ხაბაიას, კოცის, ბარზილაის ძენი, რომელთაც გილყადელი ბარზილაის ასულთაგანი შეირთეს ცოლად და მათივე სახელი ეწოდათ.

⁶²ესენი ეძებდნენ თავიანთი საგვარტომოს ნუსხას და ვერ იპოვეს, და ამის გამო მღვდლობის უფლება არ მისცეს.

⁶³და უთხრა მათ განმგებელმა, რომ არ ეჭამათ წმიდათა წმიდიდან, ვიდრე არ დადგებოდა მღვდელი ურიმითა და თუმიმით.

⁶⁴მთელი კრებული ერთად შეადგენდა ორმოცდაორი ათას სამას სამოც კაცს

⁶⁵გარდა მათი მსახურებისა და მხევლებისა; ესენი იყვნენ შვიდი ათას სამას ოცდაჩვიდმეტი; და მათთან - ორასი მგალობელი კაცი და მგალობელი ქალი.

⁶⁶მათი ცხენები - შვიდას ოცდათექვსმეტი, ჯორები - ორას ორმოცდახუთი,

⁶⁷მათი აქლემები - ოთხას ოცდათხუთმეტი, სახედრები - ექვსი ათას შვიდას ოცი.

⁶⁸როდესაც მოვიდნენ საგვარეუ-ლოს თავკაცები უფლის სახლში, რომელიც იერუსალიმშია, ნებაყოფლობით შესწირეს ღვთის სახლს, რათა აღდგენილიყო იგი თავის საძირკველზე,

⁶⁹შეძლებისამებრ სამუშაო საქმიანობისთვის საგანძურს შემატეს: სამოცდაერთი ათასი დრაქმა ოქრო, ხუთი ათასი მინა ვერცხლი და ასი ხელი სამღვდელო შესამოსელი.

⁷⁰და დასახლდნენ: მღვდლები, ლევიანები, მგალობლები, კარისმცველნი, ტაძრის მსახურნი და ხალხის ნაწილი იერუსალიმის ახლოს თავ-თავიანთ ქალაქებში და მთელი ისრაელი თავ-თავის ქალაქში.