Read Traducción Kadosh Israelita Mesiánica ნეემია 7 Bible Online

ნეემია 7 - Traducción Kadosh Israelita Mesiánica bible

ნეემია 7

¹ქალაქის გალავანი რომ აშენდა, კარები ჩავაყენე და კარიბჭისმცველები, მგალობლები და ლევიანები გავამწესე.

²ხანანი, ჩემი ძმა და ხანანია, ციხე-სიმაგრის მთავარი, იერუსალიმზე დავაყენე, ვინაიდან ერთგული კაცი იყო და ბევრს აღემატებოდა ღვთისმოშიშებაში.

³ვუბრძანე, მზის დაცხუნებამდე არ გაეღოთ იერუსალიმის კარიბჭენი და მანამდე დაეკეტათ და ჩაერაზათ კარნი, სანამ საგუშაგოზე იდგებოდნენ! მცველებად იერუსალიმის მკვიდრნი დაეყენებინათ, თითოეული თავის საგუშაგოზე და თავისი სახლის წინ.

⁴დიდი და ვრცელი იყო ქალაქი, თუმცა ხალხი ცოტა იყო მასში და არც სახლები იყო აშენებული.

⁵გულში ჩამიდო ჩემმა ღმერთმა და შევკრიბე დიდებულები, მთავრები და ხალხი საგვარტომო ნუსხის შესადგენად. ვიპოვე იერუსალიმში პირველად ამოსულთა საგვარტომო წიგნი; მასში ჩაწერილი იყვნენ:

⁶ოლქში დამკვიდრებულნი, რომლებიც ნაბუქოდონოსორის, ბაბილონის მეფის ტყვეობიდან წამოვიდნენ და იერუსალიმსა და იუდაში დაბრუნდნენ - თითოეული თავის ქალაქში.

⁷ისინი, ვინც ზერუბაბელთან, იეშუასთან, ნეემიასთან, ყაზარიასთან, რაყამიასთან, ნახამანთან, მორდექაისთან, ბილშანთან, მისფერეთთან, ბიგვაისთან, ნეხუმთან და ბაყანთან ერთად ამოვიდნენ, ისრაელის ხალხის მამაკაცთა რიცხვი იყო:

⁸ფარყოსის ძენი - ორიათას ას სამოცდათორმეტი;

⁹შეფატიას ძენი - სამას სამოცდათორმეტი;

¹⁰არახის ძენი - ექვსას ორმოცდათორმეტი;

¹¹ფახათ-მოაბის, იეშუასა და იოაბის ძენი - ორიათას რვაას თვრამეტი;

¹²ყელამის ძენი - ათას ორას ორმოცდათოთხმეტი;

¹³ზათუს ძენი - რვაას ორმოცდახუთი;

¹⁴ზაქაის ძენი - შვიდას სამოცი;

¹⁵ბინუის ძენი - ექვსას ორმოცდარვა;

¹⁶ბებაის ძენი - ექვსას ოცდარვა;

¹⁷ყაზაგიდის ძენი - ორიათას სამას ოცდაორი;

¹⁸ადონიკამის ძენი - ექვსას სამოცდაშვიდი;

¹⁹ბიგვაის ძენი - ორიათას სამოცდაშვიდი;

²⁰ყადინის ძენი - ექვსას ორმოცდათხუთმეტი;

²¹ატერის ძენი ხიზკიაჰუს სახლეულიდან - ოთხმოცდათვრამეტი;

²²ხაშუმის ძენი - სამას ოცდარვა;

²³ბეცაის ძენი - სამას ოცდაოთხი;

²⁴ხარიფის ძენი - ას თორმეტი;

²⁵გაბაონის ძენი - ოთხმოცდათხუთმეტი;

²⁶ბეთლემის და ნეტოფას მკვიდრნი - ას ოთხმოცდარვა;

²⁷ყანათოთის მკვიდრნი - ას ოცდარვა;

²⁸ბეთ-ყაზმავეთის მკვიდრნი - ორმოცდაორი;

²⁹კირიათ-იეყარიმის, ქეფირას და ბეეროთის მკვიდრნი - შვიდას ორმოცდასამი;

³⁰რამას და გებაყის მკვიდრნი - ექვსას ოცდაერთი;

³¹მიქმასის მკვიდრნი - ას ოცდაორი;

³²ბეთელისა და ჰაღაის მკვიდრნი - ას ოცდასამი;

³³ნებო-ახერის მკვიდრნი - ორმოცდათორმეტი;

³⁴ყელამ-ახერის მკვიდრნი - ათას ორას ორმოცდათოთხმეტი;

³⁵ხარიმის ძენი - სამას ოცი;

³⁶იერხოს ძენი - სამას ორმოცდახუთი;

³⁷ლოდის, ხადიდის და ონოს ძენი - შვიდას ოცდაერთი;

³⁸სენაყას ძენი - სამიათას ცხრაას ოცდაათი.

³⁹მღვდლები: იედაყიას ძენი, იეშუას სახლეულიდან - ცხრაას სამოცდაცამეტი;

⁴⁰იმერის ძენი - ათას ორმოცდათორმეტი;

⁴¹ფაშხურის ძენი - ათას ორას ორმოცდაშვიდი;

⁴²ხარიმის ძენი - ათას ჩვიდმეტი.

⁴³ლევიანნი: იეშუას ძენი, კადმიელის სახლეულიდან, ჰოდევას ძენი - სამოცდათოთხმეტი.

⁴⁴მგალობელნი: ასაფის ძენი - ას ორმოცდარვა;

⁴⁵კარიბჭის მცველნი: შალუმის ძენი, ატერის ძენი, ტალმონის ძენი, ყაკუბის ძენი, ხატიტას ძენი, შობაის ძენი - ას ოცდათვრამეტი.

⁴⁶ნეთინელნი: ციხას ძენი, ხასუფას ძენი, ტაბაყოთის ძენი,

⁴⁷კეროსის ძენი, სიყას ძენი, ფადონის ძენი,

⁴⁸ლებანას ძენი, ხაგაბას ძენი, შალმაის ძენი,

⁴⁹ხანანის ძენი, გიდელის ძენი, გახარის ძენი,

⁵⁰რეაიას ძენი, რეცინის ძენი, ნეკოდას ძენი,

⁵¹გაზამის ძენი, ყუზას ძენი, ფასეახის ძენი,

⁵²ბესაიას ძენი, მეყუნიმის ძენი, ნეფიშესიმის ძენი,

⁵³ბაკბუკის ძენი, ხაკუფას ძენი, ხარხურის ძენი,

⁵⁴ბაცლითის ძენი, მეხიდას ძენი, ხარშას ძენი,

⁵⁵ბარკოსის ძენი, სისერას ძენი, თამახის ძენი,

⁵⁶ნეციახის ძენი, ხატიფას ძენი.

⁵⁷სოლომონის მსახურთა ძენი: სოტაის, სოფერეთის, ფერიდას,

⁵⁸იაყალას, დარკონის, გიდელის,

⁵⁹შეფატიას, ხატილის, ფოქერეთ-ცებაიმის და ამონის შთამომავალნი.

⁶⁰სოლომონისა და ტაძრის მსახურთა შთამომავალნი - სულ სამას ოთხმოცდათორმეტი.

⁶¹ესენი იყვნენ თელ-მელახიდან, თელ-ხარშადან, ქერუბიდან, ადონიდან და იმერიდან ამოსულნი, მაგრამ ვეღარაფერი თქვეს თავიანთ მამის სახლსა და შთამომავლობის შესახებ - ისრაელიდან თუ იყვნენ ისინი:

⁶²დელაიას ძენი, ტობიას ძენი, ნეკოდას ძენი - ექვსას ორმოცდაორი.

⁶³მღვდელთაგან ძენი ხობაიასი, ჰაკოცისა და ბარზილაისა, რომელმაც ცოლი გილყადელი ბარზილაის ასულთაგან მოიყვანა და მათი სახელით იწოდებოდა.

⁶⁴ესენი ეძებდნენ თავის საგვარტომო ნუსხის ჩანაწერებს, ვერ იპოვეს და გადაყენებულ იქნენ მღვდლობიდან.

⁶⁵უთხრა მათ განმგებელმა, რომ არ ეჭამათ წმიდათა წმიდისგან, ვიდრე აღდგებოდა მღვდელი ურიმითა და თუმიმით.

⁶⁶ერთად მთელი კრებული, ორმოცდაორი ათას სამას სამოცი კაცი იყო.

⁶⁷გარდა თავიანთი მონებისა და მხევლებისა, რომლებიც შვიდიათას სამას ოცდაჩვიდმეტნი იყვნენ და ორას ორმოცდახუთი მგალობელი კაცისა და ქალისა.

⁶⁸ჰყავდათ შვიდას ოცდათექვსმეტი ცხენი და ორას ორმოცდახუთი ჯორი,

⁶⁹ოთხას ოცდათხუთმეტი აქლემი და ექვსიათას შვიდას ოცი სახედარი.

⁷⁰ზოგიერთმა, მამისსახლთა თავკაცთაგან, შემოწირულობა გაიღო საქმისთვის: განმგებელმა საგანძურისთვის ათასი დრაქმა ოქრო, ორმოცდაათი თასი და ხუთას ოცდაათი სამღვდელო კვართი გაიღო.

⁷¹მამისსახლთა თავკაცთაგანაც, ოციათასი დრაქმა ოქრო და ორიათას ორასი მინა ვერცხლი გაიღეს საგანძურისთვის.

⁷²დანარჩენმა ხალხმა კი, ოციათასი დრაქმა ოქრო, ორი ათასი მინა ვერცხლი და სამოცდაშვიდი სამღვდელო კვართი გაიღო.

⁷³მკვიდრობდნენ მღვდლები, ლევიანნი, კარიბჭისმცველნი, მგალობელნი, დანარჩენი ხალხი, ტაძრის მსახურნი ანუ ნეთინელნი და მთელი ისრაელი თავ-თავიანთ ქალაქებში. მეშვიდე თვემაც მოაწია და თავის ქალაქებში იყვნენ ისრაელის ძენი.