Read Traducción Kadosh Israelita Mesiánica იობი 26 Bible Online

იობი 26 - Traducción Kadosh Israelita Mesiánica bible

იობი 26

¹მიუგო იობმა და თქვა:

²"რით შეწევნიხარ უძლურს და რითი გიხსნია უძალო მკლავი?

³რა რჩევა მიგიცია სიბრძნეს მოკლებულისთვის? თუ გიუხვია სიბრძნის სწავლებაში?

⁴ვისთვის წარმოსთქვი ეს სიტყვები და ვისი სული გამოდიოდა შენგან?

⁵ლანდები ძრწიან წყლებისა და მათში მობინადრეთა ქვეშ,

⁶გაშიშვლებულია შავეთი მის წინაშე და არა აქვს საფარველი შავეთს.

⁷მან განავრცო ჩრდილოეთი სიცარიელეზე, არაფერზე დაჰკიდა დედამიწა;

⁸იგი ჰკრავს წყლებს თავის ღრუბლებში და არ სკდება ღრუბელი მათ ქვეშ.

⁹სახეს უფარავს მთვარეს და თავისი ღრუბელი განავრცო მასზე;

¹⁰წრე შემოავლო წყალთა ზედაპირს ისევე, როგორც საზღვარი ნათელს ბნელთან ერთად;

¹¹ზეცის სვეტები თრთიან და ძრწიან მის რისხვაზე;

¹²თავისი ძალით დააცხრო ზღვა და თავისი გამჭრიახობით შემუსრა ზღვის ურჩხული;

¹³თავისი სულით გააბრწყინა ცანი და მისმა ხელმა განგმირა სრიალა გველი;

¹⁴აჰა, ეს არის კიდეები მისი გზებისა და რა ცოტა რამ გვსმენია მასზე! ვინ ჩასწვდება მისი ძლიერების გრგვინვას?”