Read Traducción Kadosh Israelita Mesiánica იობი 35 Bible Online

იობი 35 - Traducción Kadosh Israelita Mesiánica bible

იობი 35

¹გააგრძელა ელიჰუმ და თქვა:

²"ნუთუ სამართლიანად მიგაჩნია, რომ ამბობ, მართალი ვარო ღმერთის წინაშე?

³რომ ამბობ, რა სარგებელი მაქვს, რას მარგებსო ცოდვებისგან განწმენდა?

⁴შენც გეტყვი და შენს მეგობრებსაც:

⁵ცას შეხედე და, აჰა, ღრუბლებს მიაპყარ თვალი, შენზე მაღლა არიან ისინი.

⁶შენ თუ შესცოდე, მას რა? ძალიანაც რომ გაამრავლო შენი დანაშაული, მას რას დააკლებ?

⁷მართალი თუ ხარ, რას შემატებ მას? რას მიიღებს შენი ხელიდან?

⁸მხოლოდ შენისთანა კაცს ეხება შენი ბოროტება და ადამიანის ძეს - შენი სიმართლე.

⁹მრავალი მოსთქვამს ტანჯვისგან და შველას ითხოვს ძლიერთა მკლავისგან.

¹⁰მაგრამ მაინც არავინ კითხულობს: სად არისო ჩემი გამჩენი ღმერთი, საგალობელს რომ გვაძლევს ღამღამობით,

¹¹რომელიც ჩვენ უფრო მეტს გვასწავლის ვიდრე მიწის ცხოველებს და უფრო მეტად გვაბრძენებს ვიდრე ცის ფრინველებს.

¹²ღაღადებენ იქ ისინი, მაგრამ არ პასუხობს იგი, ბოროტეულთა ამპარტავნობის გამო.

¹³ჭეშმარიტად, არ შეისმენს ღმერთი ამაო ლოცვას და არ მოხედავს მას ყოვლადძლიერი.

¹⁴თუმცა შენ ამბობ, რომ ვერ ხედავ მას, მაგრამ, სარჩელი მის წინაშეა, მას დაელოდე.

¹⁵ახლა კი, რადგან რისხვით პასუხს არ გთხოვს და ყურადღებას არ აქცევს შენს დანაშაულს;

¹⁶ამაოდ ხსნი პირს იობ და უმეცრებით ამრავლებ სიტყვებს”.