Read Traducción Kadosh Israelita Mesiánica ფსალმუნები 100 Bible Online

ფსალმუნები 100 - Traducción Kadosh Israelita Mesiánica bible

ფსალმუნები 100

¹წყალობაზე და სამართალზე ვიმღერებ; შენ გიმღერებ, უფალო.

²ჩავუფიქრდები უბიწოთა გზას: როდის მოხვალ ჩემთან? სუფთა გულით ვივლი ჩემს სახლში.

³უკეთურ რამეს თვალწინ არ დავიდებ; განდგომილთა საქმე შევიძულე, ახლოს არ გავეკარები.

⁴მრუდე გული შორს იყოს ჩემგან, ბოროტებას არ მინდა ვცნობდე.

⁵თავისი მოყვასის ფარულად ცილისმწამებელს მოვსპობ, ამპარტავან თვალსა და გაუმაძღარ გულს ვერ ავიტან.

⁶თვალს მივაპყრობ ერთგულებს ქვეყანაზე, რომ ჩემთან ერთად იცხოვრონ; ვინც უბიწოების გზით დადის, ის იქნება ჩემი მსახური.

⁷ვერ დამკვიდრდება ჩემს სახლში სიყალბის მქმნელი; ტყუილის მოლაპარაკე ვერ დაფუძნდება ჩემს თვალწინ.

⁸ყოველ დილით მოვსპობ ყველა ბოროტს ქვეყნისას, რომ ამოიძირკვოს უფლის ქალაქიდან ყოველი მოქმედი სიმრუდისა.