Read Traducción Kadosh Israelita Mesiánica ფსალმუნები 102 Bible Online

ფსალმუნები 102 - Traducción Kadosh Israelita Mesiánica bible

ფსალმუნები 102

¹აკურთხე, სულო ჩემო, უფალი და მთელო შიგნეულობავ ჩემო - მისი წმიდა სახელი.

²აკურთხე, სულო ჩემო, უფალი და არ დაივიწყო მთელი მისი სიკეთე;

³ის არის შემნდობი ყველა შენი ბრალისა, მკურნალი ყველა შენი სნეულებისა.

⁴საფლავისგან დამხსნელი შენი სიცოცხლისა, წყალობისა და სიკეთის გვირგვინის დამდგმელი;

⁵სიკეთით აღმვსები შენი სიცოცხლისა, არწივივით განმაახლებელი შენი სიჭაბუკისა.

⁶სიმართლეს და სამართალს იქმს უფალი ყველა ჩაგრულისთვის.

⁷აუწყა თავისი გზები მოსეს, ისრაელის ძეთ - თავისი საქმენი.

⁸შემბრალე და გულმოწყალეა უფალი, რისხვაში ნელი და სიკეთით სავსე.

⁹არც სამუდამოდ იდავებს და არც საუკუნოდ გაწყრება.

¹⁰არც ჩვენი ცოდვებისამებრ მოგვექცა და არც დანაშაულისთვის მოგვიზღა.

¹¹ვინაიდან როგორც ცაა დედამიწაზე მაღლა, ასევე აღმატებულია მისი სიკეთე მის მოშიშთა მიმართ.

¹²როგორც აღმოსავლეთია დაშორებული დასავლეთისგან, ისე განგვაშორა მან ჩვენი დანაშაული.

¹³როგორც მამას ებრალება შვილები, ისე ებრალება უფალს თავისი მოშიშები.

¹⁴ვინაიდან იცის ჩვენი აგებულება, ახსოვს, რომ მტვრისგან ვართ.

¹⁵ბალახივით არის დღენი კაცისა, ველის ყვავილივით აყვავდება.

¹⁶ქარი გადაუქროლებს და - აღარ არის, ვეღარავინ იცნობს მის ადგილსამყოფელს.

¹⁷უფლის წყალობა კი უკუნისამდეა მის მოშიშთა მიმართ და მისი სიმართლე - მათ შვილთაშვილებზე,

¹⁸მათზე, ვინც იცავს თავის აღთქმას, ახსოვს მისი მცნებანი და ასრულებს მათ.

¹⁹ზეცაში დაიდგა ტახტი უფალმა და მისი მეფობა განაგებს ყოველივეს.

²⁰აკურთხეთ უფალი, ანგელოზნო მისნო; ძალით ძლიერნო, მისი სიტყვის შემსრულებელნო; მისი ნათქვამი სიტყვის მორჩილნო.

²¹აკურთხეთ უფალი, ყოველნო ლაშქარნო მისნო, მსახურნო მისნო, მისი ნების შემსრულებელნო.

²²აკურთხეთ უფალი, ყოველნი საქმენი მისნი, მთელ მის სამფლობელოში! აკურთხე, სულო ჩემო, უფალი!