Read Traducción Kadosh Israelita Mesiánica ფსალმუნები 107 Bible Online

ფსალმუნები 107 - Traducción Kadosh Israelita Mesiánica bible

ფსალმუნები 107

¹მტკიცეა ჩემი გული ღმერთო, გიგალობებ და მთელი ჩემი არსებით შეგასხამ ხოტბას.

²გამოიღვიძე ჩანგო და ქნარო, გამოვიღვიძებ განთიადისას.

³გადიდებ, უფალო, ხალხებს შორის და ერთა შორის გიგალობებ.

⁴რადგან ზეცაზე დიდია შენი წყალობა და ღრუბლებამდეა შენი ჭეშმარიტება.

⁵ცათა ზემოთ ამაღლდი ღმერთო და მთელ დედამიწას გასწვდეს შენი დიდება.

⁶რათა გადარჩნენ შენი საყვარელნი; მიხსენი შენი მარჯვენით და მიპასუხე.

⁷ღმერთმა თქვა თავის წმიდაში: ვიზეიმებ, გავანაწილებ შექემს და სუქოთის დაბლობს გავზომავ.

⁸ჩემია გილყადი, ჩემია მენაშე, ეფრემი ჩაჩქანია ჩემი თავისა, იუდა კვერთხია ჩემი.

⁹მოაბი ავზია ჩემი განსაბანელი, ედომს ფეხსამოსს გადავუგდებ, ფილისტიმს გამარჯვებით დავძახებ.

¹⁰ვინ შემიყვანს გამაგრებულ ქალაქში? ვინ წამიძღვება ედომისკენ?

¹¹ნუთუ შენ არა, ღმერთო, მიგვატოვე და აღარ გამოდიხარ ჩვენს მხედრობასთან?

¹²მოგვეც შეწევნა გაჭირვებაში, რადგან ამაოა შველა კაცისმიერი.

¹³ღმერთით გავიმარჯვებთ, ის გათელავს ჩვენს მტრებს.