Read Traducción Kadosh Israelita Mesiánica ფსალმუნები 11 Bible Online

ფსალმუნები 11 - Traducción Kadosh Israelita Mesiánica bible

ფსალმუნები 11

¹მიხსენი, უფალო, რადგან აღარ დარჩა ღვთისმოსავი, რადგან გამქრალან ერთგულნი კაცთა მოდგმიდან.

²ერთიმეორეს ატყუებენ, პირფერი ბაგეებით ორპირულად ლაპარაკობენ;

³მოსპობს უფალი პირფერ ბაგეებს, ამაყად მოლაპარაკე ენებს,

⁴რომლებიც ამბობენ - ჩვენი ენებით ვიმძლავრებთ, ბაგენი ჩვენი ჩვენთანაა, ვინ გვიბატონებს?

⁵ჩაგრულთა დარბევისა და გაჭირვებულთა კვნესის გამო აღვდგები, ამბობს უფალი, მივცემ შველას, ვისაც სწყურია იგი.

⁶უფლის სიტყვები წმიდა სიტყვებია, მიწის ქურაში გაწმედილი ვერცხლი, შვიდჯერ გადახალისებული.

⁷უფალო, შენ დაიცავ მათ, შეინახავ ამ თაობიდან უკუნისამდე.

⁸ყოველმხრივ ბოროტნი მიმოდიან, რადგან უღირსნი ამაღლდნენ კაცთა მოდგმიდან.