Read Traducción Kadosh Israelita Mesiánica ფსალმუნები 110 Bible Online

ფსალმუნები 110 - Traducción Kadosh Israelita Mesiánica bible

ფსალმუნები 110

¹ალელუია! მთელი გულით მივაგებ მადლობას უფალს, მართალთა საკრებულოსა და თემში.

²დიდია საქმენი უფლისა, იკვლევენ მათ ისინი, ვინც ნეტარებას პოულობს მათში!

³ბრწყინვალე და დიდებულია მისი საქმე, სიმართლე მისი მარადიულია.

⁴სამახსოვროს ხდის თავის საოცარ საქმეებს, მოწყალე და შემბრალეა უფალი.

⁵აძლევს საზრდოს თავის მოშიშებს, მარადის ახსოვს თავისი აღთქმა.

⁶უჩვენა თავის ხალხს თავის საქმეთა ძალა, როცა ერების მემკვიდრეობა მისცა მათ.

⁷ჭეშმარიტი და სამართლიანია საქმენი მისი ხელისა, სარწმუნოა ყველა მცნება მისი.

⁸მტკიცეა უკუნითი უკუნისამდე, ჭეშმარიტებასა და სისწორეზე დაფუძნებული.

⁹გამოსყიდვა მოუვლინა თავის ხალხს; საუკუნო მცნებად დაუდო თავისი აღთქმა; წმიდაა და საშიში მისი სახელი.

¹⁰უფლის შიში სიბრძნის სათავეა; გონიერია ყველა, ვისაც ის აქვს. დიდება მისი მარადიულია.