Read Traducción Kadosh Israelita Mesiánica ფსალმუნები 113 Bible Online

ფსალმუნები 113 - Traducción Kadosh Israelita Mesiánica bible

ფსალმუნები 113

¹როცა ეგვიპტიდან გამოვიდა ისრაელი, იაკობის სახლი - უცხოენოვანი ხალხისგან,

²გახდა იუდა მისი საწმიდარი, ისრაელი - მისი სამფლობელო.

³ზღვამ დაინახა და უკუიქცა, იორდანე უკან გაბრუნდა.

⁴ერკემლებივით ხტოდნენ მთები, ბატკნებივით - მაღლობები.

⁵რა დაგემართა, ზღვაო, რომ გაიქეცი და იორდანევ - უკან რომ გაბრუნდი?

⁶მთებო, რას ხტიხართ ერკემლებივით და მაღლობებო - კრავებივით?

⁷უფლის სახის წინაშე ძრწოდე, დედამიწავ, იაკობის ღმერთის სახის წინაშე,

⁸რომელმაც წყალსატევად გადააქცია კლდე, კაჟი - წყლის წყაროდ.

⁹ჩვენ არა უფალო, ჩვენ არა, არამედ შენს სახელს მიაგე დიდება შენი წყალობისა და ჭეშმარიტებისთვის.

¹⁰რატომ უნდა თქვან წარმართებმა: სად არისო მათი ღმერთი?

¹¹ჩვენი ღმერთი კი ზეცაშია; და რასაც ისურვებს, იმას აკეთებს.

¹²მათი კერპები ვერცხლი და ოქროა, ადამიანთა ხელით შექმნილი.

¹³პირი აქვთ და ვერ ლაპარაკობენ, თვალები აქვთ და ვერ ხედავენ.

¹⁴ყურები აქვთ და არ ესმით, ცხვირი აქვთ და ვერ იყნოსავენ.

¹⁵ხელები აქვთ და ვერაფერს ეხებიან, ფეხები აქვთ და ვერ დადიან, ხმას ვერ გამოსცემენ თავისი ხორხიდან.

¹⁶მათ დაემსგავსებიან მათი გამკეთებლები, ყველა, ვინც მათზეა მინდობილი.

¹⁷ისრაელო, უფალს მიენდე! - მათი შემწე და ფარია იგი.

¹⁸აჰარონის სახლო, უფალს მიენდე! - მათი შემწე და ფარია იგი.

¹⁹მოშიშნო უფლისა, უფალს მიენდეთ! - მათი შემწე და ფარია იგი.

²⁰უფალს ვახსოვართ და გვაკურთხებს ჩვენ; აკურთხებს ისრაელის სახლს, აკურთხებს აჰარონის სახლს.

²¹უფალი აკურთხებს მის მოშიშებს - პატარებს და დიდებს.

²²დაე, გაგამრავლოთ უფალმა, თქვენ და თქვენი შვილები.

²³კურთხეული ხართ უფლის მიერ, ცისა და ქვეყნის შემოქმედის მიერ.

²⁴ცანი - ცანია უფლისა, ქვეყანა კი კაცთა შვილებს მისცა.

²⁵მკვდრები არ აქებენ უფალს და არც ვინმე სამარეში ჩასული,

²⁶ჩვენ კი ვადიდებთ უფალს ამიერიდან უკუნისამდე. ადიდეთ უფალი!