Read Traducción Kadosh Israelita Mesiánica ფსალმუნები 117 Bible Online

ფსალმუნები 117 - Traducción Kadosh Israelita Mesiánica bible

ფსალმუნები 117

¹მადლობდეთ უფალს, რადგან კეთილია, რადგან უკუნისამდეა წყალობა მისი.

²თქვას ისრაელმა: მართლაც უკუნისამდეა წყალობა მისი.

³თქვას აჰარონის სახლმა: მართლაც უკუნისამდეა წყალობა მისი.

⁴თქვან უფლის მოშიშებმა: მართლაც უკუნისამდეა წყალობა მისი.

⁵სივიწროვიდან ვუხმობდი უფალს, სიფართოვით მიპასუხა უფალმა.

⁶უფალი ჩემთანაა - არ მეშინია, რას მიზამს კაცი?

⁷უფალი ჩემთანაა, ჩემს შემწეთა შორის, ამიტომ ვიზეიმებ ჩემს მტრებზე.

⁸უკეთესია უფალს შეაფარო თავი, ვიდრე ადამიანზე დაიმედდე.

⁹უკეთესია უფალს შეაფარო თავი, ვიდრე მთავრებზე დაიმედდე.

¹⁰ხალხნი ყოველნი გარს შემომერტყნენ - უფლის სახელით ამოვწყვეტ მათ.

¹¹გარს შემომერტყნენ, გარემომიცვეს - უფლის სახელით ამოვწყვეტ მათ.

¹²გარს შემომერტყნენ ფუტკრებივით; აალებული ძეძვივით აბრიალდნენ - უფლის სახელით ამოვწყვეტ მათ.

¹³ძლიერად მკრეს ხელი ძირს დასაცემად, მაგრამ უფალი შემეწია მე.

¹⁴ჩემი ძალა და სიმღერაა უფალი, ხსნა არის იგი ჩემთვის.

¹⁵სიმღერისა და ხსნის ყიჟინაა მართალთა კარვებში: ძლევამოსილია უფლის მარჯვენა.

¹⁶შემართულია უფლის მარჯვენა, ძლიერებას ავლენს უფლის მარჯვენა.

¹⁷არ მოვკვდები, არამედ ვიცოცხლებ და ვილაპარაკებ უფლის საქმეებზე.

¹⁸მკაცრად დამსაჯა უფალმა, მაგრამ სიკვდილს არ მიმცა.

¹⁹გამიღეთ სიმართლის კარიბჭენი, შევალ და მადლობას მივაგებ უფალს,

²⁰ეს არის კარიბჭე უფლისა, მართლები შევლენ შიგ.

²¹გადიდებ შენ, რადგან მიპასუხე და ჩემი ხსნა გახდი.

²²ქვა, დაწუნებული მშენებლების მიერ, ქვაკუთხედად იქცა.

²³უფლისგან მოხდა ეს და საოცარია ჩვენს თვალში.

²⁴ეს არის დღე, რომელიც უფალმა შექმნა, ვილხინოთ და ვიმხიარულოთ მასში.

²⁵გევედრებით უფალო, გვიხსენი! გევედრებით უფალო, წარმატება მოგვეცი!

²⁶კურთხეულია უფლის სახელით მომავალი; გაკურთხებთ უფლის სახლიდან!

²⁷უფალი ღმერთია და ის გვაძლევს სინათლეს; საბელით მიაბით სადღესასწაულო მსხვერპლი სამსხვერპლოს რქებზე.

²⁸ჩემი ღმერთი ხარ შენ და გადიდებ; ღმერთო ჩემო, აგამაღლებ შენ.

²⁹მადლობდეთ უფალს, რადგან კეთილია, რადგან უკუნისამდეა წყალობა მისი!