Read Traducción Kadosh Israelita Mesiánica ფსალმუნები 13 Bible Online

ფსალმუნები 13 - Traducción Kadosh Israelita Mesiánica bible

ფსალმუნები 13

¹თქვა უგუნურმა თავის გულში: "არ არის ღმერთი”. გაირყვნენ, სისაძაგლე ჩაიდინეს; არავინაა სიკეთის მქმნელი.

²გადმოხედა უფალმა ზეციდან ადამიანთა შვილებს, რომ დაენახა, თუ არის ვინმე გონიერი, ღმერთს რომ ეძიებს,

³ყველამ გადაუხვია გზიდან, ერთიანად გაბინძურდნენ; არ არის მქმნელი სიკეთისა, ერთიც არ არის.

⁴ნუთუ ვერ შეუგნიათ ბოროტების ჩამდენთ, პურივით რომ ჭამენ ჩემს ხალხს და ღმერთს არ უხმობენ?

⁵იქ შეკრთებიან დიდი შიშით, რადგან მართალთა თაობაშია ღმერთი.

⁶გლახაკის იმედს დასცინეთ, მაგრამ ღმერთია მისი თავშესაფარი.

⁷ოჰ, მოვიდოდეს სიონიდან ხსნა ისრაელისა! როდესაც ღმერთი ტყვეობიდან დააბრუნებს თავის ხალხს, მოილხენს იაკობი და გაიხარებს ისრაელი.