Read Traducción Kadosh Israelita Mesiánica ფსალმუნები 131 Bible Online

ფსალმუნები 131 - Traducción Kadosh Israelita Mesiánica bible

ფსალმუნები 131

¹უფალო, გაიხსენე დავითი და ყოველი ტანჯვა მისი.

²როგორ შეჰფიცა უფალს, აღთქმა დაუდო იაკობის ძლიერს:

³არ შევალ ჩემი სახლის კარავში, არ ავალ ჩემს სარეცელზე.

⁴არ მივცემ ძილს ჩემს თვალებს და თვლემას ჩემს წამწამებს,

⁵ვიდრე არ ვიპოვი ადგილს უფლისთვის, სამკვიდროს იაკობის ძლიერისთვის.

⁶აჰა, გვესმა მასზე ეფრათში, იაყარის ველზე ვპოვეთ იგი.

⁷მივიდეთ მის სადგომებში და დავემხოთ მის ფეხთა სადგამთან.

⁸აღსდექ უფალო და მიდი შენს სავანეში, შენ და შენი ძლიერების კიდობანი.

⁹სიმართლით შეიმოსონ შენი მღვდელნი და შენმა წმიდანებმა სიხარულით იყიჟინონ.

¹⁰შენი მსახურის დავითის გამო, ნუ უკუაგდებ შენი ცხებულის სახეს.

¹¹უფალმა შეჰფიცა დავითს ჭეშმარიტებით და არ გადაუხვევს მისგან: "შენი მუცლის ნაყოფს დავსვამ შენს ტახტზე.

¹²თუ დაიცავენ შენი ძენი ჩემს აღთქმასა და მცნებებს, რომელთაც ვასწავლი, მათი შვილებიც უკუნისამდე ისხდებიან შენს ტახტზე”.

¹³რადგან სიონი ამოირჩია უფალმა, თავისთვის ისურვა სამკვიდრებლად.

¹⁴"მარადიულად ეს არის ჩემი მოსასვენებელი ადგილი, აქ დავმკვიდრდები, რადგან ასე ვისურვე.

¹⁵უხვად ვაკურთხებ მის საზრდოს და პურით გავაძღებ მის ღარიბებს.

¹⁶გადარჩენით შევმოსავ მის მღვდლებს და მისი წმიდანები ხმამაღლა იგალობებენ.

¹⁷იქ აღმოვაცენებ დავითის ღირსების რქას, ლამპარი გავმართე ჩემი ცხებულისთვის.

¹⁸სირცხვილით შევმოსავ მის მტრებს, მასზე კი მისი გვირგვინი იბრწყინებს!”