Read Traducción Kadosh Israelita Mesiánica ფსალმუნები 134 Bible Online

ფსალმუნები 134 - Traducción Kadosh Israelita Mesiánica bible

ფსალმუნები 134

¹ადიდეთ უფლის სახელი, ადიდეთ იგი, მსახურნო უფლისა!

²უფლის სახლში რომ დგახართ, ჩვენი ღმერთის სახლის ეზოებში.

³ადიდეთ უფალი, რადგან კეთილია; მის სახელს უგალობეთ, რადგან საამურია ის.

⁴რადგან იაკობი ამოირჩია უფალმა, ისრაელი - თავის კუთვნილებად.

⁵რადგან ვიცი, რომ დიდია უფალი; ჩვენი უფალი ყველა ღმერთზე დიდია.

⁶რასაც მოისურვებს, ყოველივეს აკეთებს უფალი, ცაში და დედამიწაზე, ზღვაში თუ წყლის სიღრმეებში.

⁷ქვეყნის კიდეებიდან ამოჰყავს ღრუბლები, ელვას წვიმად აქცევს და ქარი გამოჰყავს თავისი საცავებიდან.

⁸მან მოსრა ეგვიპტის პირმშონი - ადამიანიდან პირუტყვამდე.

⁹ნიშნები და სასწაულები მოავლინა შენ შორის ეგვიპტევ, ფარაონსა და ყველა მის მსახურზე.

¹⁰მოსრა მრავალი ერი და დახოცა ძლიერი მეფენი.

¹¹ამორელთა მეფე სიხონი, ბაშანის მეფე ყოგი და ქანაანის ყველა სამეფო.

¹²მან მისცა მათი მიწა სამკვიდროდ, მემკვიდრეობად გადასცა თავის ხალხს, ისრაელს.

¹³უფალო, მარადიულია შენი სახელი და თაობიდან თაობამდეა შენი ხსენება.

¹⁴რადგან განიკითხავს თავის ხალხს უფალი და შეიბრალებს თავის მსახურთ.

¹⁵ვერცხლი და ოქროა ხალხთა კერპები, ადამიანის ნახელავი.

¹⁶პირი აქვთ და ვერ ლაპარაკობენ, თვალები აქვთ და ვერ ხედავენ.

¹⁷ყურები აქვთ და ვერ ისმენენ, არც სუნთქვა გააჩნია მათ პირებს.

¹⁸მათ დაემსგავსებიან მათი გამკეთებელნი, ყველა, ვინც მათზეა მინდობილი.

¹⁹ისრაელის სახლო, აკურთხე უფალი; აჰარონის სახლო, აკურთხე უფალი!

²⁰ლევის სახლო, აკურთხე უფალი; უფლის მოშიშნო, აკურთხეთ უფალი!

²¹კურთხეულ იყოს სიონიდან უფალი, რომელიც იერუსალიმში მკვიდრობს. ადიდეთ უფალი!