Read Traducción Kadosh Israelita Mesiánica ფსალმუნები 135 Bible Online

ფსალმუნები 135 - Traducción Kadosh Israelita Mesiánica bible

ფსალმუნები 135

¹მადლობდეთ უფალს, რადგან კეთილია, რადგან უკუნისამდეა წყალობა მისი.

²მადლობდეთ ღმერთთა ღმერთს, რადგან უკუნისამდეა წყალობა მისი.

³მადლობდეთ უფალთა უფალს, რადგან უკუნისამდეა წყალობა მისი.

⁴მხოლოდ ის ახდენს დიდ საოცრებებს, რადგან უკუნისამდეა წყალობა მისი.

⁵მას, ვინც გონივრულად შექმნა ცანი, რადგან უკუნისამდეა წყალობა მისი.

⁶მას, ვინც წყლებზე განავრცო დედამიწა, რადგან უკუნისამდეა წყალობა მისი.

⁷დიდი მნათობები შექმნა, რადგან უკუნისამდეა წყალობა მისი.

⁸მზე - დღის განმგებლად, რადგან უკუნისამდეა წყალობა მისი.

⁹მთვარე და ვარსკვლავები - ღამის განმგებლად, რადგან უკუნისამდეა წყალობა მისი.

¹⁰მას, ვინც განგმირა ეგვიპტელთა პირმშონი, რადგან უკუნისამდეა წყალობა მისი.

¹¹და ვინც ისრაელი გამოიყვანა მათი შუაგულიდან, რადგან უკუნისამდეა წყალობა მისი.

¹²ძლიერი ხელით და შემართული მკლავით, რადგან უკუნისამდეა წყალობა მისი.

¹³მას, ვინც გააპო წითელი ზღვა, რადგან უკუნისამდეა წყალობა მისი;

¹⁴და შუაგულში გაატარა ისრაელი, რადგან უკუნისამდეა წყალობა მისი.

¹⁵ვინც წითელ ზღვაში ჩაყარა ფარაონი და მისი ჯარი, რადგან უკუნისამდეა წყალობა მისი.

¹⁶წარუძღვა თავის ხალხს უდაბნოში, რადგან უკუნისამდეა წყალობა მისი.

¹⁷წარხოცა დიდი მეფენი, რადგან უკუნისამდეა წყალობა მისი.

¹⁸მას, ვინც გაჟლიტა ძლიერი მეფენი, რადგან უკუნისამდეა წყალობა მისი.

¹⁹ამორელთა მეფე სიხონი, რადგან უკუნისამდეა წყალობა მისი.

²⁰ბაშანის მეფე ყოგი, რადგან უკუნისამდეა წყალობა მისი.

²¹და მისცა მათი ქვეყნები სამკვიდრებლად, რადგან უკუნისამდეა წყალობა მისი.

²²სამკვიდრებლად ისრაელს, თავის მსახურს, რადგან უკუნისამდეა წყალობა მისი.

²³მას, ვინც გაგვიხსენა ჩვენი დამცირების ჟამს, რადგან უკუნისამდეა წყალობა მისი.

²⁴და გვიხსნა ჩვენი მტრებისგან, რადგან უკუნისამდეა წყალობა მისი.

²⁵მას, ვინც საზრდოს აძლევს ყოველ ხორციელს, რადგან უკუნისამდეა წყალობა მისი.

²⁶მადლობდეთ ცათა ღმერთს, რადგან უკუნისამდეა წყალობა მისი.