Read Traducción Kadosh Israelita Mesiánica ფსალმუნები 140 Bible Online

ფსალმუნები 140 - Traducción Kadosh Israelita Mesiánica bible

ფსალმუნები 140

¹შენ მოგიხმობ უფალო, იჩქარე ჩემკენ, ყური მიაპყარ ჩემს ხმას, როცა მოგიხმობ.

²კეთილსურნელებად იყოს ჩემი ლოცვა შენ წინაშე და ხელთა აღპყრობა - მწუხრის შესაწირად.

³უფალო, გუშაგი დაუყენე ჩემს პირს, დარაჯი - ჩემს ბაგეებს.

⁴არ გადაახვევინო ჩემს გულს ავი სიტყვისკენ, ურჯულო კაცებთან ერთად ბოროტ საქმეთა ჩასადენად, ნუმც მეგემოს მათი ნუგბარიდან.

⁵დაე, დამსაჯოს მართალმა - ეს სიკეთე იქნება ჩემთვის; დაე, მამხილოს - ზეთისცხებად იქნება ჩემთვის, მე უარს არ ვიტყვი ამაზე; ჩემი ლოცვა კი ბოროტმოქმედთა წინააღმდეგაა.

⁶როცა კლდის კიდეებიდან გადმოყრიან თავიანთ მსაჯულებს, მაშინ მიხვდებიან, რომ ჩემი სიტყვა ჭეშმარიტია.

⁷როგორც მხვნელი აფხვიერებს მიწას, ისე მიმოიფანტება ჩვენი ძვლები სამარის ყბაში.

⁸რადგან შენკენაა უფალო, ღმერთო ჩემო, თვალები ჩემი, შენში ვპოვე თავშესაფარი; ნუ მისცემ სიკვდილს ჩემს სულს.

⁹დამიცავი მათ მიერ დაგებული მახის მარწუხებისგან და სიავის მქმნელთა მიერ დაგებული ხაფანგებისგან.

¹⁰დაე, გაებნენ თავიანთ ბადეებში ბოროტნი, ვიდრე მე გავივლიდე.