Read Traducción Kadosh Israelita Mesiánica ფსალმუნები 142 Bible Online

ფსალმუნები 142 - Traducción Kadosh Israelita Mesiánica bible

ფსალმუნები 142

¹ნუ შეხვალ სამართალში შენს მსახურთან, რადგან ვერ გამართლდება შენ წინაშე ვერც ერთი კაცი.

²რადგან დევნა მტერმა ჩემი სული, მიწაზე დაანარცხა ჩემი სიცოცხლე, ბნელეთში დამსვა დიდი ხნის მკვდარივით.

³ამიტომ სული შემიწუხდა და გული შეძრწუნდა ჩემში.

⁴ვიხსენებ ადრინდელ დღეებს, მივტირი ყოველ შენს საქმეს და ვფიქრობ შენი ხელის ნამოქმედარზე.

⁵შენკენ ვიწვდი ხელებს, გამოფიტული მიწასავით მოსწყურდი ჩემს სულს.

⁶მალე მიპასუხე უფალო, გაილია ჩემი სული. ნუ დაფარავ შენს სახეს ჩემგან, თორემ საფლავში ჩასულს დავემგვანები.

⁷მომასმენინე დილდილობით შენი წყალობა, ვინაიდან შენ გენდობი. მაუწყე, რომელი გზით ვიარო, რადგან შენკენ აღვაპყარ ჩემი სული.

⁸მიხსენი ჩემს მტერთაგან უფალო; შენთან ვაფარებ თავს.

⁹შენი ნების შესრულება მასწავლე, რადგან ჩემი ღმერთი ხარ შენ. შენი კეთილი სული წამიძღვეს სწორ გზაზე.

¹⁰უფალო, შენი სახელის გულისთვის შემინარჩუნე სიცოცხლე. შენი სიმართლით გამოიყვანე გაჭირვებიდან ჩემი სული.

¹¹შენი წყალობით მოსპე ჩემი მტრები, დაღუპე ყოველი მჩაგვრელი ჩემი სულისა, რადგან მე შენი მსახური ვარ.