Read Traducción Kadosh Israelita Mesiánica ფსალმუნები 146 Bible Online

ფსალმუნები 146 - Traducción Kadosh Israelita Mesiánica bible

ფსალმუნები 146

¹ადიდეთ უფალი! რაოდენ კარგია ჩვენი უფლის განდიდება, რადგან საამურია და შეშვენის ქება-დიდება.

²უფალი აშენებს იერუსალიმს და კრებს განდევნილებს ისრაელიდან.

³გულგატეხილებს განკურნავს და ჭრილობებს უხვევს მათ.

⁴ის თვლის ვარსკვლავებს, ყველას თავის სახელს უწოდებს.

⁵დიადია უფალი და ძლევამოსილი, გონიერება მისი განუზომელია.

⁶უფალი ამაღლებს ჩაგრულთ, ბოროტეულთ კი სამუდამოდ ამდაბლებს მიწამდე.

⁷უგალობეთ უფალს სამადლობელით, ქნარით უგალობეთ ჩვენს ღმერთს,

⁸რომელიც ღრუბლებით ფარავს ცას, წვიმას ამზადებს მიწისთვის და ბალახს აღმოაცენებს მთებში.

⁹საზრდოს აძლევს ცხოველებს, ყორნის ბახალებს, რომლებიც შესჩხავიან.

¹⁰არც ცხენის ძლიერებას ისურვებს, არც კაცის მუხლმაგრობას ინებებს.

¹¹ისურვებს უფალი თავის მოშიშებს, მისი წყალობის მოიმედეებს.