Read Traducción Kadosh Israelita Mesiánica ფსალმუნები 147 Bible Online

ფსალმუნები 147 - Traducción Kadosh Israelita Mesiánica bible

ფსალმუნები 147

¹აქე, იერუსალიმო, უფალი; სიონო, ადიდე შენი ღმერთი!

²რადგან ის ამაგრებს შენი კარიბჭეების ურდულებს, ის აკურთხებს შენს ძეებს შენში.

³მშვიდობას ამყარებს შენს საზღვრებზე, ხორბლის ნოყიერებით განაყრებს.

⁴წარმოგზავნის თავის სიტყვას დედამიწაზე, სწრაფად ვრცელდება მისი ნათქვამი.

⁵მატყლივით იძლევა თოვლს და ფერფლივით ფანტავს თრთვილს.

⁶ნატეხებად ყრის სეტყვას, წინ ვინ დაუდგება მის სუსხს?

⁷წარმოგზავნის თავის სიტყვას და ადნობს მათ; დაუბერავს თავის ქარს და ჩამოედინებიან წყლები.

⁸თავის სიტყვას ამცნობს იაკობს, ისრაელს - თავის წესებს და სამართალს.

⁹არც ერთ სხვა ერს არ მოქცევია ასე და არ იციან მათ მისი სამართალი. აქეთ უფალი!