Read Traducción Kadosh Israelita Mesiánica ფსალმუნები 15 Bible Online

ფსალმუნები 15 - Traducción Kadosh Israelita Mesiánica bible

ფსალმუნები 15

¹დამიფარე, უფალო, რადგან შენზე ვარ მონდობილი.

²ვუთხარი უფალს, შენ ხარ ჩემი ბატონი; შენ გარეშე არ არსებობს ჩემი სიკეთე.

³დედამიწაზე მყოფ წმიდანებთან, რომლებიც დიდებულნი არიან, მათთანაა მთელი ჩემი სიხარული.

⁴დარდი გაუმრავლდება, ვინც უცხო ღმერთებისკენ ისწრაფვის. არ შევწირავ მათი სისხლის საღვრელს და არც მათ სახელს მოვიტან ბაგეზე.

⁵უფალია წილი ჩემი მემკვიდრეობისა და თასისა; შენს ხელშია ჩემი ხვედრი.

⁶ჩემი მამულები მშვენიერ ადგილებში მერგო, სამკვიდროც მოსაწონია ჩემთვის.

⁷ვაკურთხებ უფალს, რომ მომცა რჩევა; ღამღამობითაც კი მწვრთნის ჩემი გული.

⁸მუდამ ჩემს წინ წარმოვიდგენ უფალს; რადგან ჩემს მარჯვნივ არის, არ წავბორძიკდები.

⁹ამიტომ გაიხარა ჩემმა გულმა და ილხინა ღირსებამ ჩემმა; ჩემი სხეულიც უსაფრთხოდ მოისვენებს.

¹⁰რადგან არ მიმატოვებ საფლავში და არც გასახრწნელად გაიმეტებ შენს წმიდას.

¹¹მასწავლე გზა სიცოცხლისა, სიხარულის სისავსეა შენი სახის წინაშე, შენს მარჯვნივ ყოფნა ნეტარებაა უკუნისამდე.