Read Traducción Kadosh Israelita Mesiánica ფსალმუნები 16 Bible Online

ფსალმუნები 16 - Traducción Kadosh Israelita Mesiánica bible

ფსალმუნები 16

¹უფალო, ისმინე სიმართლე, ყური მოაპყარ ჩემს ღაღადს, ისმინე ჩემი ლოცვა უბიწო ბაგეებიდან.

²შენგან გამოვა ჩემი სამართალი, შენი თვალები ჭვრეტენ სწორად.

³გამოკვლეული გაქვს გული ჩემი, ღამღამობით მინახულებდი; გამომცადე და ვერაფერი ჰპოვე; არ განდგომია ჩემი ფიქრები ჩემს ბაგეთ.

⁴ადამიანთა საქმეებში, შენი ბაგეთა სიტყვის თანახმად, თავს ვიცავდი უკუღმართი გზებისგან.

⁵შენ განმიმტკიცე ნაბიჯები შენს გზაზე და არ გადაუხვევია ჩემს ტერფებს.

⁶მოგიხმობ, ღმერთო, რადგან მიპასუხებ; ყური მომაპყარ, მოისმინე სიტყვები ჩემი.

⁷გვიჩვენე შენი საოცარი წყალობა, რადგან შენი მარჯვენით იხსნი მათ, ვინც შენში ეძებს თავშესაფარს თავიანთი მტრებისგან.

⁸თვალის გუგასავით გამიფრთხილდი, შენი ფრთების ჩრდილქვეშ შემიფარე,

⁹ბოროტეულთაგან, მტრებისგან, გარს რომ მერტყმიან სულის ამოსახდელად.

¹⁰ქონში არიან ჩაფლულნი, ამპარტავნულად რომ ლაპარაკობენ მათი ბაგენი,

¹¹ყოველ ნაბიჯზე გარს მერტყმიან, მითვალთვალებენ, რათა ძირს დამცენ.

¹²ლომს წააგვანან, მსხვერპლი რომ სწყურია და ლომის ბოკვერს, საფარში მჯდომარეს.

¹³აღსდექ, უფალო, წინ გადაუდექი, დააჩოქე, გადაარჩინე ჩემი სული ბოროტისგან შენი მახვილით.

¹⁴იმ კაცებისგან - შენი ხელით, უფალო, ამქვეყნიური კაცებისგან, რომელთაც ამ სიცოცხლეშივე აქვთ წილი, მათ მუცლებს შენი საგანძურიდან ავსებ, რათა გაძღნენ მათი შვილები და ნამეტი თავიანთ ბავშვებს დაუტოვონ.

¹⁵მე კი სიმართლეში ვიხილავ შენს სახეს, გამოღვიძებისას შენი სახების მზერით გავძღები.