Read Traducción Kadosh Israelita Mesiánica ფსალმუნები 19 Bible Online

ფსალმუნები 19 - Traducción Kadosh Israelita Mesiánica bible

ფსალმუნები 19

¹უფალმა გიპასუხოს შენ გაჭირვების დღეს, დაგიფაროს შენ, იაკობის ღმერთის სახელმა.

²გამოგიგზავნოს შველა საწმიდრიდან და სიონიდან შეგეწიოს შენ.

³გაიხსენოს ყველა შენი შესაწირი და მიიღოს სრულადდასაწველნი შენი.

⁴შენი გულის სურვილისამებრ მოგცეს და აგისრულოს ყოველი შენი განაზრახი.

⁵ვიყიჟინებთ შენი გამარჯვებით და ღმერთის სახელით დროშას ავაფრიალებთ; ყველა შენი სათხოვარი შეგისრულოს უფალმა.

⁶ახლა მივხვდი, რომ იხსნა უფალმა თავისი ცხებული, თავისი წმიდა ზეციდან უპასუხებს მას, თავისი მხსნელი მარჯვენის ძლიერებით.

⁷ზოგნი ეტლებით იქადიან და ზოგნი ცხენებით, ჩვენ კი ჩვენი ღმერთის სახელით დავიკვეხნით.

⁸ისინი მოიდრიკნენ და დაეცნენ, ჩვენ კი წამოვდექით და მყარად ვდგავართ.

⁹გვიხსენი უფალო. დაე, მეფემ გვიპასუხოს ჩვენი მოხმობის დღეს.