Read Traducción Kadosh Israelita Mesiánica ფსალმუნები 2 Bible Online

ფსალმუნები 2 - Traducción Kadosh Israelita Mesiánica bible

ფსალმუნები 2

¹რატომ ბობოქრობენ ხალხები და რატომ ესწრაფიან ერები ამაოებას?

²ამხედრებულან ქვეყნიერების მეფენი და მბრძანებელნი და შეთქმულან უფლისა და მისი ცხებულის წინააღმდეგ. ამბობენ:

³მოდით, დავგლიჯოთ მათი საკვრელნი და მოვიშოროთ მათი სადავენი.

⁴გაიცინებს ზეცის მკვიდრი, დასცინებს მათ უფალი.

⁵მაშინ ილაპარაკებს თავისი რისხვით და შეაძრწუნებს თავისი გულისწყრომით;

⁶მე დავადგინე ჩემი მეფე სიონზე - ჩემს წმიდა მთაზე.

⁷გაუწყებთ უფლის დადგენილებას - მან მითხრა: "ძე ხარ შენ ჩემი, მე გშობე დღეს;

⁸მთხოვე და მოგცემ ხალხებს სამკვიდროდ, ხოლო ქვეყნის კიდეებს - საკუთრებად,

⁹შენ დალეწავ მათ რკინის კვერთხით, მექოთნის ჭურჭელივით დაამსხვრევ”.

¹⁰ახლა კი გონს მოდით, მეფენო! განისწავლენით, ქვეყნის მსაჯულნო!

¹¹ემსახურეთ უფალს მოშიშებით, გიხაროდეთ და თრთოდეთ.

¹²ეამბორეთ ძეს, რომ არ განრისხდეს იგი და არ დაიღუპოთ გზაში, რადგან მალე აღიგზნება მისი რისხვა. ნეტარია ყველა, ვინც მასზეა მინდობილი.