Read Traducción Kadosh Israelita Mesiánica ფსალმუნები 20 Bible Online

ფსალმუნები 20 - Traducción Kadosh Israelita Mesiánica bible

ფსალმუნები 20

¹უფალო, შენი სიძლიერით იხარებს მეფე და შენმიერი ხსნით მოილხენს დიდად.

²შენ შეუსრულე მას სასურველი მისი გულისა და სათხოვარი მისი ბაგეებისა არ უკუაგდე.

³კეთილი კურთხევით შეეგებე, თავზე წმიდა ოქროს გვირგვინი დაადგი.

⁴სიცოცხლე გთხოვა და მიეცი, დღეგრძელობა - უკუნითი უკუნისამდე.

⁵დიდია ღირსება მისი, რადგან შენგანაა მისი ხსნა. შენ შეამკე პატივითა და დიდებით.

⁶რადგან სამუდამო კურთხევა დაუდგინე, შენ წინაშე ყოფნით გაახარე.

⁷ვინაიდან უფალზეა მინდობილი მეფე და არ შეირყევა უზენაესის წყალობით.

⁸მისწვდება შენი ხელი ყველა შენს მტერს და მარჯვენა - შენს მოძულეებს.

⁹აგიზგიზებულ თონეს დაამსგავსებ მათ შენი გამოჩენის ჟამს; თავისი რისხვით ჩაყლაპავს უფალი, ცეცხლი შთანთქავს მათ.

¹⁰მიწიდან აღგვი მათ ნაშიერს და მათ შთამომავლობას - ადამიანის ძეთაგან.

¹¹რადგან სიავე განიზრახეს შენს წინააღმდეგ, ბოროტებას გეგმავდნენ და ვერაფერს გახდებიან,

¹²რადგან შენ უკუაქცევ მათ, მშვილდს მოჭიმავ მათი სახისკენ.

¹³ამაღლდი შენი ძალით, უფალო! ვუმღერებთ და ვუგალობებთ შენს ძლევამოსილებას.