Read Traducción Kadosh Israelita Mesiánica ფსალმუნები 25 Bible Online

ფსალმუნები 25 - Traducción Kadosh Israelita Mesiánica bible

ფსალმუნები 25

¹განმსაჯე, უფალო, რადგან ჩემი სიწრფელით დავდიოდი, უფალზე ვარ მინდობილი და არ წავბორძიკდები.

²შემამოწმე უფალო და გამომცადე, ბრძმედში გამოატარე ჩემი გონება და გული.

³რადგან შენი წყალობა მიდგას თვალწინ და შენს ჭეშმარიტებაში დავდივარ.

⁴არ დავჯდები სიცრუის მოყვარულებთან და არ მივალ მზაკვრებთან.

⁵მძულს უკეთურთა კრებული, ბოროტთა გვერდით არ დავჯდები.

⁶უბიწოებით დავიბან ხელებს და გარს შემოვუვლი შენს სამსხვერპლოს, უფალო.

⁷რათა გიგალობო მადლიერებით და ყველა შენი სასწაული გამოვაცხადო.

⁸უფალო, მიყვარს შენი სახლის სამყოფელი და შენი დიდების სამკვიდრებელი ადგილი.

⁹ნუ მომსპობ ცოდვილებთან ერთად და ჩემს სიცოცხლეს - სისხლისმღვრელებთან.

¹⁰რომელთაც ხელთ მზაკვრობა უპყრიათ და მარჯვენა ქრთამით აქვთ სავსე.

¹¹მე კი ჩემს უბიწოებაში ვივლი; გამომისყიდე და მადლი მაპოვნინე.

¹²სწორ ადგილზე დგას ჩემი ფეხი; საკრებულოებში ვაკურთხებ უფალს.