Read Traducción Kadosh Israelita Mesiánica ფსალმუნები 28 Bible Online

ფსალმუნები 28 - Traducción Kadosh Israelita Mesiánica bible

ფსალმუნები 28

¹უძღვენით უფალს ღვთის შვილნო, უძღვენით უფალს დიდება და ძლიერება.

²უძღვენით უფალს მისი სახელის დიდება; თაყვანი ეცით უფალს წმიდა ბრწყინვალებით.

³წყლებზეა ხმა უფლისა; გრგვინავს დიდების ღმერთი; ხმა უფლისა მრავალ წყალზეა.

⁴ხმა უფლისა ძლევამოსილია, ხმა უფლისა ბრწყინვალეა.

⁵ხმა უფლისა ამტვრევს კედრებს; ლიბანის კედრებს ანაფოტებს უფალი.

⁶ხბოსავით აკუნტრუშებს ლიბანსა და სირიონს - მარტორქის ნაშიერივით.

⁷ხმა უფლისა გაჰკვეთს ცეცხლის ალს.

⁸ხმა უფლისა შეარყევს უდაბნოს; კადეშის უდაბნოს შეარყევს უფალი.

⁹ხმა უფლისა ირმებს მოამშობიარებს და ტყეებს მოაშიშვლებს; ყოველივე მის დიდებაზე მეტყველებს მის ტაძარში.

¹⁰უფალი ზის წარღვნაზე, მარადიულ ხელმწიფედ ზის უფალი.

¹¹უფალი ძალას მისცემს თავის ხალხს, უფალი აკურთხებს თავის ხალხს მშვიდობით.