Read Traducción Kadosh Israelita Mesiánica ფსალმუნები 29 Bible Online

ფსალმუნები 29 - Traducción Kadosh Israelita Mesiánica bible

ფსალმუნები 29

¹აგამაღლებ შენ უფალო, რადგან უბედურებიდან წამომაყენე და არ გაახარე ჩემზე მტერი.

²უფალო, ღმერთო ჩემო! შემოგღაღადე და განმკურნე მე.

³უფალო, შენ ამომიყვანე შავეთიდან და მაცოცხლე, რომ არ ჩავსულიყავი საფლავში.

⁴უგალობეთ უფალს, მისო წმიდებო, ადიდეთ მისი წმინდა სახელი.

⁵რადგან წამიერია მისი რისხვა, მისი წყალობა კი - მთელი სიცოცხლე; ღამით გლოვა დაისადგურებს, განთიადისას კი - სიხარულის ყიჟინა.

⁶და ვთქვი ჩემი წარმატების ჟამს: არ შევირყევი უკუნისამდე.

⁷უფალო, შენი წყალობით დამაყენე, როგორც მთა; მაგრამ დაფარე შენი სახე და შევძრწუნდი.

⁸შენ მოგიხმობ უფალო, ჩემს ბატონს შევევედრები;

⁹რა სარგებელია ჩემს სისხლში, თუ საფლავში ჩავალ? განა მტვერი შეგასხამს ხოტბას და განაცხადებს შენს ჭეშმარიტებას?

¹⁰მომისმინე უფალო და შემიწყალე; იყავი ჩემი შემწე.

¹¹გლოვა ცეკვით შემიცვალე, ძაძა გამხადე და სიხარულით შემმოსე,

¹²ამიტომაც გიგალობებ და არ დავდუმდები უფალო, ღმერთო ჩემო! საუკუნოდ გიძღვნი მადლობას!