Read Traducción Kadosh Israelita Mesiánica ფსალმუნები 33 Bible Online

ფსალმუნები 33 - Traducción Kadosh Israelita Mesiánica bible

ფსალმუნები 33

¹განვადიდებ უფალს ყოველჟამს, გამუდმებით იქნება მისი ქება ჩემს ბაგეებზე.

²უფლით იქადის ჩემი სული; ისმინონ თავმდაბლებმა და გაიხარონ.

³ადიდეთ უფალი ჩემთან ერთად; ერთად ავამაღლოთ მისი სახელი.

⁴ვეძებდი უფალს და მიპასუხა, დამიხსნა ყველა ჩემი შიშისგან.

⁵უმზირეთ მას და გაბრწყინდით, არასოდეს შერცხვება თქვენი სახეები.

⁶აგერ ღარიბმა მოუხმო და მოისმინა უფალმა, დაიხსნა ყველა მისი გასაჭირისგან.

⁷დაიბანაკებს უფლის ანგელოზი მის მოშიშთა ირგვლივ და იხსნის მათ.

⁸იგემეთ და ნახეთ, რომ კარგია უფალი; ბედნიერია კაცი, ვინც მას აფარებს თავს.

⁹გეშინოდეთ უფლის, წმიდანნო მისნო, რადგან არაფერი მოაკლდება მის მოშიშთ.

¹⁰ახალგაზრდა ლომები იტანჯებიან და შიმშილობენ, უფლის მაძიებლებს კი არავითარი სიკეთე არ მოაკლდებათ.

¹¹მოდით შვილებო, მომისმინეთ: უფლის მოშიშებას გასწავლით თქვენ.

¹²ვინ არის კაცი, რომელსაც სიცოცხლე სურს და უყვარს დღეგრძელობა სიკეთის სანახავად?

¹³შეიკავე შენი ენა ბოროტებისგან და ბაგენი - მზაკვრული სიტყვებისგან.

¹⁴ერიდე ბოროტებას და აკეთე სიკეთე; ეძიე მშვიდობა და მას მისდიე.

¹⁵უფლის თვალები მართლებისკენაა მიპყრობილი და მისი ყურები - მათი ღაღადისკენ.

¹⁶უფლის სახე ბოროტმოქმედთა წინააღმდეგაა, რათა დედამიწიდან წარხოცოს მათი სახსენებელი.

¹⁷მოუხმობენ მართალნი და ისმენს უფალი - ყველა გასაჭირისგან იხსნის მათ.

¹⁸ახლოა უფალი გულმოდრეკილებთან და სულით მორჩილებს იხსნის.

¹⁹მრავალი სიავე ხვდება მართალს და ყველაფრისგან იხსნის უფალი.

²⁰მის ყოველ ძვალს იცავს იგი, მათგან ერთიც არ შეიმუსრება.

²¹ცოდვილს ბოროტება მოკლავს, მსჯავრს დაიტეხენ მართლის მოძულენი.

²²უფალი გამოისყიდის თავის მსახურთა სულებს და მსჯავრი არ დაედება, ვინც მას აფარებს თავს.